Aýa raıy
Astana 25 °S
Almaty 24 °S
valıýta baǵamy
USD 386.82
EUR 428.67
RUB 5.86
CNY 54.95

Vıtse-mınıstr Sýhanberdıevaǵa qatysty sot: Qandaı jaza usynyldy

2019 jyldyń 9 shilde 2019 17:40 2242

NUR-SULTAN. QazAqparat - Memlekettik aıyptaýshylar QR Bilim jáne ǵylym vıtse-mınıstri bolǵan Elmıra Sýhanberdıevaǵa qatysty jazany usyndy, dep habarlaıdy QazAqparat.

«QR Qylmystyq kodeksiniń 53-babyna sáıkes, aıyptalýshy shyn nıetpen ókinip, kinásin moıyndasa qylmystyq jaza jeńildeıdi. Taraptar QR Qylmystyq kodeksiniń 55-baby, 3-bóligin qoldaný arqyly jaza taǵaıyndaýda kelisedi. E. Sýhanberdıevaǵa qatysty 361-baptyń 3-bóligi boıynsha 2500 AEK kóleminde aıyppul men múlkin tárkileý, belgili bir laýazymdardy atqarý nemese belgili bir qyzmetpen aınalysý quqyǵynan ómir boıyna aıyra otyryp, 364-baptyń 3-bóligi boıynsha belgili bir laýazymdardy atqarý nemese belgili bir qyzmetpen aınalysý quqyǵynan ómir boıyna aıyra otyryp, 2000 AEK aıyppul salý qajet», - dedi memlekettik aıyptaýshy Nurlan Bekmaǵambetov sot barysynda.

Onyń aıtýynsha, qalyptasqan jaǵdaıdy eskere otyryp, memlekettik aıyptaý burynǵy vıtse-mınıstrge jeńildetilgen jaza qoldanýdy suraıdy.

«QR Qylmystyq kodeksiniń 58-baby, 2-bóligin qoldanyp, Sýhanberdıevaǵa 2500 AEK kóleminde aıyppul tóleý sharasy belgilensin. Sonymen birge, 2019 jyldyń 3 maýsymynda «Ortalyq» ekonomıkalyq mektebi JShS dırektorynyń qyzmettik kabınetinen alynǵan aıyptalýshynyń múlki men aqshalaı qarajaty tárkilenip, memlekettik qyzmette, sotta, Ulttyq bankte, jergilikti ózin-ózi basqarý organdarynda jáne memleket úlesi 50% asatyn ózge de memlekettik organdarda - ulttyq holdıngter, ulttyq damý ınstıtýttarynda jumys isteý quqyǵynan aıyrylsyn», - dep túıindedi N. Bekmaǵambetov.

Aıta keteıik, Elmıra Sýhanberdıeva sybaılas jemqorlyq kúdigimen ustaldy jáne 2 aıǵa qamaýǵa alyndy.

QR Sybaılas jemqorlyqqa qarsy is-qımyl ulttyq bıýrosy Elmıra Sýhanberdıevaǵa qatysty sotqa deıingi tergeý amaldaryn bastady.

 

 

 

 

Joǵary qaraı