Aýa raıy
Astana 22 °S
Almaty 23 °S
valıýta baǵamy
USD 386.71
EUR 429.17
RUB 6.02
CNY 54.66

Vıdeoblogerler arasyndaǵy baıqaý máresine jetti

2019 jyldyń 25 tamyz 2019 22:00

NUR-SULTAN. QazAqparat - «Qazaqstandy tany» halyqaralyq blogerler forýmynyń ekinshi kúninde «Men Qazaqstannanmyn» atty vıdeoblogerler baıqaýynyń jeńimpazdaryn marapattaý rásimi ótti, dep habarlaıdy QazAqparat.

Birinshi oryndy Dıdar Muratov (Alakól týraly vıdeo) ıelendi, syıaqy kólemi - 1 mıllıon teńge. 2-oryn jáne 500 000 teńgeni Dmıtrıı Moskalenko (Aq Baýyr petroglıfteri týraly vıdeo) jeńip aldy. 3-oryn jáne 200 000 teńgeni Aldııar Baıraqymov (Kók Jaılaý týraly vıdeo) ıelendi. «Avıata» kompanııasynyń arnaıy nomınatsııasyn Jasulan Baqytjanov (Almaty týraly vıdeo) aldy. «Sevens» aýyz sýynyń arnaıy syılyǵy Aıda Tastemirovaǵa (Asa jaılaýy týraly vıdeo) buıyrdy.

Konkýrsqa qatysýǵa 1000-ǵa jýyq ótinim kelip túsken, 200-den astam vıdeojumys qabyldandy. Fınalǵa 15 vıdeoblogerdiń jumysy ótti.

Qatysýshylardyń jobalaryn Álisher Elikbaev, Birjan Áshim, Lýı Koýll jáne Mýrad Osmann sııaqty elimizdiń jáne shet elderdiń ataqty blogerlerinen turatyn ádil qazylar alqasy tańdady.





Fınalǵa jetken qatysýshylar Qazaqstandaǵy YouTube kompanııasynyń resmı ókilimen kelisimshartqa otyryp, óz arnalarynyń daýmyna qatysty mamandardyń keńesterin alady.

Báıge sharty boıynsha qatysýshylar ózderiniń týǵan qalalary nemese aýyldary týraly qysqasha vıdeorolık túsirýi kerek. Óz týyndysynda týǵan jeri týraly, onyń qyzyqty nemese mańyzdy jerleri týraly baıandap, týǵan jeriniń týrıster úshin qandaı qyzyqtary bar týraly aıtyp berýi qajet bolatyn.





Joba Qazaqstandaǵy Jastar jyly aıasynda júzege asyryldy. Іs-sharany uıymdastyrýshylar - «Azamattyq bastamalardy qoldaý ortalyǵy» KEAQ jáne «A kind heart» qoǵamdyq birlestigi. Baıqaýǵa QR Aqparat jáne qoǵamdyq damý mınıstrligi qoldaý kórsetti.

Jobanyń strategııalyq seriktesteri qatarynda «Kazakh Tourizm» ulttyq kompanııasy bar.









Joǵary qaraı