Aýa raıy
Astana 12 °S
Almaty 23 °S
valıýta baǵamy
USD 386.05
EUR 428.25
RUB 5.84
CNY 54.65

Jaqyp Asanov Prezıdent saılaýynda sotqa qandaı aryzdar túskenin aıtty

2019 jyldyń 10 shilde 2019 19:44 1861

NUR-SULTAN. QazAqparat - 2019 jyldyń 10 maýsymynda ótken QR Prezıdentiniń saılaýy kezinde sotqa prezıdenttikke úmitkerler men olardyń ókilderinnen 67 talap-aryz tústi. Bul týraly búgin sýdıalardyń keńeıtilgen keńesinde QR Joǵarǵy sotynyń tóraǵasy Jaqyp Asanov aıtty, dep habarlaıdy QazAqparat tilshisi.

«Rasynda da quqyq buzýshylyq oryn aldy. Ony ózderińizde BAQ-tan bilesizder. Al kóbinese bireý basqa bireýdiń atynan bıýlleten alyp, daýys berý quqyǵyn buzýshylyq kóp boldy. Meniń bilýimshe, prokýratýra organdary 26 ákimshilik is qozǵap, olardy sotqa engizdi. Olar boıynsha biz barlyq kináli tulǵalardy tıisti jaýapkershilikke tarttyq. Ol kóbine - aıyppuldar. Onyń basym kópshiligi saılaý  komıssııalarynyń músheleri, ishinde tipti tóraǵalary da bar», - dedi Jaqyp Asanov BAQ ókilderiniń saýalyna oraı.

Onyń aıtýynsha, saılaý  kezinde tek baıqaýshylar ǵana emes sonymen birge prezıdenttikke úmitkerler, olardyń ókilderi talap-aryzdaryn bergen.

«Jalpy olardyń sany - 67-i.  Osy talap-aryzdardyń basym kópshiligin sýdıalar keri qaıtarýǵa májbúr boldy. Óıtkeni bizdiń azamattyq is júrgizý kodeksimizdiń talaptary bar. Soǵan sáıkes jazylǵan talap-aryzdyń formasy, mazmuny zańǵa sáıkes bolýy kerek. Kóp jaǵdaıda talap-aryzdyń avtorlary ony saqtamaǵan. Mysaly jaýapkerdi kórsetpegen nemese men baqylaýshymyn, prezıdenttikke úmitkerdiń ókilimin dep jazǵanymen  mártebesin dáleldeıtin qujattardy tirkemegen. Ne bolmasa sol talap-aryzda ózderiniń naqty bir ótinishin, talabyn  jazbaǵan. Ondaı jaǵdaıda biz árıne aryzdy keri qaıtarýymyz kerek. Sýdıalardyń ondaı talap-aryzdardy qaraýǵa quqy joq. Jalpy, árbir is boıynsha sheshim qabyldandy. Al ol sheshim  zańdy ma, zańsyz ba? Shynymdy aıtsam, meniń oǵan baǵa berýge quqym joq», - dedi  Joǵarǵy sot tóraǵasy.

 

 

Joǵary qaraı