Aýa raıy
Astana 11 °S
Almaty 17 °S
valıýta baǵamy
USD 389.52
EUR 429.21
RUB 6.07
CNY 54.94

Jambylda 4 adam túıneme juqtyrdy

2019 jyldyń 17 qyrkúıek 2019 10:39

TARAZ. QazAqparat –Jambyl oblysynda 4 adam túıneme juqtyryp, aýrýhanada jatyr, dep habarlaıdy QazAqparat tilshisi.

Túınemege shaldyqqandardyń bireýi – Jýaly aýdany Shaqpaqata aýylyndaǵy sharýa qojalylyǵynyń shopany. Al ekinshisi – áıeli. Ózge eki azamat – qasapshy. Sońǵy ekeýi – Jambyl aýdanynyń turǵyndary. Bularǵa asa qaýipti indet mal soıǵan kezde juqqan degen kúdik bar. Óıtkeni ózderi on shaqty kún buryn qystaqtaǵy qojaıynnyń sıyryn soıǵan. Keıin báriniń denesin jara basqan.

Asa qaýipti indetke shaldyqqan naýqastardyń jaǵdaıy qalypty, deıdi aq halattylar. Al mal dárigerleri atalmysh keseldiń qaıdan kelgenin bilmeı dal.

«Tıisti em qabyldaýda. Juqpaly aýrýlar aýrýhanasynda 20 kúndeı em qabyldaıdy. Sibir jarasy adam ómirine óte qaýipti. Óıtkeni bul asa qaýipti indet»,- deıdi Jambyl oblystyq ınfektsııalyq aýrýlardyń qaterlerin baqylaý keńestik-ádistemelik ortalyq jetekshisi Gúlfaıra Myrzabekova.

Qazir osy naýqastarmen baılanysta bolǵan 44 adam men aýyldyń mal dárigeri de qatań baqylaýǵa alyndy. Al óńirdegi veterınar mamandary kásipkerdiń qorasynda ólgen alty bas sıyrdan synama alyndy. Alaıda birde-bireýinen kúıdirgi dertiniń belgileri anyqtalmady.

«Túsken kezde 3 naýqasqa »tilme« dıagnozy qoıyldy jáne túıneme dıagnozyn boldyrmaý maqsatynda jaradan ishindegisin alyp, oblystyń sanepıdsaraptama ortalyǵynyń asa qaýipti zerthanasyna jiberildi. Serologııalyq taldaýdyń oń nátıjesi alyndy, keıin barlyq 4 naýqasqa dıagnoz »sibir jarasy, teri túri, aýyrlyǵy ortasha« retinde rastaldy. Barlyq naýqastar bokstalǵan 2 palataǵa jeke ornalastyrylady, tıisti em alady, búgingi kúni jaǵdaıy turaqty»,- deıdi oblystyq densaýlyq saqtaý basqarmasynyń baspasóz hatshysy Tolqyn Ómirbaeva.

Bul jaǵdaı oblys ákimdiginde de qaralǵan. Ázirge olar indettiń shyǵý sebebin eshkim túsine almaı jatyr. Al el arasynda kúıdirgiden ólgen 20-dan astam iri qaranyń eti qaladaǵy shujyq tsehyna ótkizilgen degen qaýeset taraǵan.

Al, oblystyq veterınarııa basqarmasynyń bólim basshysy Qanatbek Qartabaev aýrýdyń oshaǵyn anyqtaý boıynsha jumystar júrgizilip jatqanyn jetkizdi.

Aýrý oshaqtarynda, 2 aýdannyń jáne Taraz qalasynyń epıdemıologtary men veterınarııalyq qyzmetkerleri aýrýdy tirkegen kúni epıdemıologııalyq tekserý jáne profılaktıkalyq jáne epıdemııaǵa qarsy is-sharalar keshenin bastap júrgizýde.

Aıta keteıik, oblystyń taýarlar men qyzmetterdiń sapasyn baqylaý departamentiniń derekteri boıynsha óńirdiń 11 aımaǵynyń aýmaǵynda 191 sibir jarasynyń topyraq oshaqtary ornalasqan, aǵymdaǵy jyly epıdemıologtar men veterınarııalyq qyzmetkerleri 1 myńnan astam topyraq synamalaryn zertteý úshin alǵan, alaıda, kúıdirginiń qozdyrǵyshtary tabylǵan joq. Bıyl oblysta sibir jarasyna qarsy egý kúıdirgi qaýpi toby arasyndaǵy 2 159 adamdy qamtyǵan.

Avtor Ǵıbrat Sembaı
Basty sózder: Oqıǵa, Jambyl oblysy,
Joǵary qaraı