Aýa raıy
Astana 9 °S
Almaty 3 °S
valıýta baǵamy
USD 389.59
EUR 429.06
RUB 6.05
CNY 55.07

Jambylda 400-ge jýyq áke alıment tóleýden jaltaryp júr

2019 jyldyń 18 qyrkúıek 2019 17:30

TARAZ. QazAqparat – Jambyl oblysynda 11 myńnan astam adam alıment tóleýge mindettelgen. Onyń 400-ge jýyǵy boryshyn óteýden jaltaryp júr, dep habarlaıdy QazAqparat tilshisi.

Alımentin tóleýmeı júrgenderdiń kóbisiniń turaqty jumysy ne basynda múlki bolmaıdy. Sondaı-aq keıingi jyldary tapqan tabysyn jasyryp, jalaqysyn tómendetip kórsetýge tyrysatyn ákeler de jıi kezdese bastaǵan. Bul olarǵa osyndaı múmkindik jasaǵan jeke jumys berýshilerge memleketke salyqty az mólsherde tóleý úshin qolaıly bolyp tur. Sonyń saldarynan sot oryndaýshylarǵa bereshekterdi óndirý kezinde birqatar qıyndyqtar týǵyzyp otyr.

Aldaǵy ýaqytta alıment tóleýden qasaqana jaltarǵandar men kóleńkeli bızneske qarsy jumystar kúsheıtilmek. Bul baǵytta memlekettik jáne quqyq qorǵaý organdary ózara is-qımyl mehanızmin bekitip, yntymaqtastyq týraly memorandýmǵa qol qoıylǵan.

«Ótken aıdyń aıaǵyndaǵy málimet boıynsha, Jambyl oblysynda 377 problemaly alıment bolsa, onyń tek 126-sy ákimshilik jaýapqa tartylǵan. Qalǵandary jaýapsyz júr. Boryshker alıment tólemeı turǵan kezde ol birinshi dáreje bolyp esepteledi. Al aıyppul ol 4- dáreje. Alımentin tólemegender aıyppuldy tóleýde eki ese qıyndyq týdyrady», - deıdi Jeke sot oryndaýshylary respýblıkalyq palatasynyń basqarma tóraǵasy Ernar Ybyraev.


Avtor Ǵıbrat Sembaı
Basty sózder: Sot, Jambyl oblysy,
Joǵary qaraı