Aýa raıy
Astana 7 °S
Almaty 8 °S
valıýta baǵamy
USD 389.59
EUR 429.06
RUB 6.05
CNY 55.07

Jambyldyq polıtseılerge 102 sý jańa qyzmettik kólik berildi

2019 jyldyń 21 qyrkúıek 2019 01:27

TARAZ. QazAqparat - Jambyldyq polıtseılerge quqyq buzýshylardy izdeý jáne quryqtaý boıynsha zamanaýı jabdyqtarmen jabdyqtalǵan 102 sý jańa qyzmettik kólikter berildi, dep habarlaıdy QazAqparat.

Taraz qalasynyń ortalyq alańynda ótken saltanatty sharaǵa oblys ákiminiń birinshi orynbasary Bekbolat Orynbekov pen oblystyq polıtsııa departamentiniń basshysy Arman Orazalıev qatysyp, patrýldik polıtsııa qyzmetkerlerine jańa avtokólikterdiń kiltin tabys etti. Qyzmettik kólikter zamanaýı jabdyqtarmen jabdyqtalǵan.

«Aǵymdaǵy jyldyń shilde aıynda 131 avtokólik ýchaskelik ınspektorlarǵa berilgen bolatyn, al 2020 jyly árbir ÝPI kólikpen qamtamasyz etý josparda qarastyrylǵan. Bul eń aldymen oblystyń shalǵaı aýyldaryndaǵy krımınogendik jaǵdaıdy jaqsartýǵa múmkindik beredi. Jergilikti atqarýshy organ tarapynan qoǵamdyq tártipti saqtaýǵa bólinetin qarjy kólemi jyldan jylǵa ulǵaıyp keledi jáne oń nátıjesin berýde. Oblysta bıyl tirkelgen qylmys sany tómendegen. Osy turǵyda polıtsııa qyzmetkerlerin materıaldyq-tehnıkalyq jabdyqtaý - qylmystyń sanyn azaıtýǵa septigin tıgizýde dep oılaımyz»,- dedi Arman Orazalıev.

Aıta keteıik, jergilikti bıýdjetten sońǵy úsh jylda oblystyq polıtsııa departamentin qarjylandyrýǵa 19 mıllıard teńge qarajat bólinse, bıyl oblystyq bıýdjetten bólingen qarajat kólemi - 9,2 mıllıard teńge. Sondaı-aq, bıyl polıtsııa departamentin materıaldyq-tehnıkalyq jabdyqtaý, onyń ishinde avtokólik quraldaryn satyp alý úshin 486 mıllıon tenge qaralǵan.


Avtor Ǵıbrat Sembaı
Basty sózder: Jambyl oblysy, Zań,
Joǵary qaraı