Aýa raıy
Astana 26 °S
Almaty 26 °S
valıýta baǵamy
USD 385.42
EUR 424.58
RUB 6.00
CNY 54.31

Jańa zań jobasy AHQO ıýrısdıktsııasyn keńeıtedi - Asqar Mamın

2019 jyldyń 20 tamyz 2019 11:55

NUR-SULTAN. QazAqparat - Qazaqstan Premer-Mınıstri Asqar Mamınniń tóraǵalyǵymen ótken Úkimet otyrysynda «Astana» halyqaralyq qarjy ortalyǵy qyzmetiniń qazirgi nátıjeleri men perspektıvalary týraly «Astana» halyqaralyq qarjy ortalyǵynyń basqarýshysy Q. Kelimbetov, QR birinshi qarjy vıtse-mınıstri B. Sholpanqulov baıandady, dep habarlaıdy QR Úkimetiniń baspasóz qyzmeti.

QR Tuńǵysh Prezıdenti – Elbasy N. Á. Nazarbaevtyń tikeleı bastamasymen qurylǵan «Astana» halyqaralyq qarjy ortalyǵy ulttyq ınvestıtsııalyq reformanyń mańyzdy quraýyshtarynyń biri jáne elimizdiń ekonomıkalyq ósimin jedeldetýge baǵyttalǵan. AHQO bıznesti sheteldik ınvestıtsııalarmen qamtýda jáne kapıtalǵa qol jetkizýde mańyzdy ról atqarady.

AHQO aýmaǵynda álemdik qarjy qurylymdarynyń ozyq tájirıbeleri eskeriletin erekshe quqyqtyq rejım áreket etedi.

Elimizdiń qarjylyq platformasyn odan ári damytý maqsatynda, atap aıtqanda qarjy ortalyǵynyń quqyqtyq ıýrısdıktsııasyn damytý maqsatynda QR Úkimetiniń músheleri AHQO týraly Konstıtýtsııalyq zańǵa ózgerister engizý jobasyn maquldady.

Investıtsııalyq salyq rezıdenttigi baǵdarlamasynyń negizgi tujyrymdamasy - ınvestordyń jáne onyń otbasy músheleriniń Qazaqstan Respýblıkasyna birneshe márte kelý vızasyn alý múmkindigin usyna otyryp, sheteldik jeke tulǵalardyń kapıtalyn elge tartý.

Sonymen qatar, zań jobasynda AHQO organdarynyń eńbek qatynastaryn jáne satyp alý rásimderin retteıtin aktilerdi qabyldaýǵa quqyǵy bar ekeni qarastyrylǵan.

Jańa zańnamalyq bastamalar tartymdy ınvestıtsııalyq ahýal qurýǵa jáne ınvestorlar tarapynan senim qatynastaryn qalyptastyrýǵa yqpal etedi.

«100 naqty qadam» ult jospary aıasynda 2015 jyly AHQO týraly arnaıy Konstıtýtsııalyq zań qabyldanyp, onyń maqsaty, mindetteri men qyzmetiniń prıntsıpteri anyqtaldy. Osy Konstıtýtsııalyq zańǵa búgin usynylyp otyrǵan túzetýler Qarjy ortalyǵynyń elimizdiń negizgi qarjy platformasy retinde jyldam qalyptasyp, damýyna jáne onyń ıýrısdıktsııasyn ınvestıtsııalardy tartý men qorǵaý úshin paıdalanýǵa múmkindik beredi», — deı kele QR Úkimetiniń basshysy Asqar Mamın, AHQO qyzmetin jetildirý jónindegi jumystardy jalǵastyrýdy tapsyrdy.

Basty sózder: QR Úkimeti, QR Premer-Mınıstri, Zań,
Joǵary qaraı