Aýa raıy
Astana 1 °S
Almaty 7 °S
valıýta baǵamy
USD 389.98
EUR 434.01
RUB 6.10
CNY 55.04

Japonııa  úkimeti otstavkaǵa ketti

2019 jyldyń 11 qyrkúıek 2019 09:51

TOKIO. QazAqparat – Sársenbi kúni tańerteń Japonııa Úkimeti tolyq quramda otstavkaǵa ketti, dep habarlaıdy QazAqparat Kıodo agenttigine silteme jasap.

Premer-mınıstr Sındzo Abe kabınet músheleriniń otstavka týraly ótinishterin qabyldady. Buǵan shilde aıynda parlamenttiń joǵarǵy palatasyna saılaýda partııanyń jeńiske jetýinen keıin jáne qazan aıyna josparlanǵan tutynýshy salyǵyn 10 paıyzǵa qymbattatýdyń aldynda úkimet quramynyń ózgerýi sebep boldy.

Ótken jyldyń qazan aıynda Úkimette oryn alǵan ózgerister barysynda kóptegen mınıstrler oryndaryn saqtap qalsa, qazir tek Úkimet hatshysy Esıhıde Sýga jáne qarjy mınıstri Taro Aso qalatyn bolady.

Eki mınıstr, Japonııada aıtylatyndaı, «kóldeneń boıynsha» aýysady. SІM basshysy Taro Kono ekonomıka mınıstri atansa, Syrtqy ister mınıstrligin búgingi tańdaǵy Ekonomıkany qaıta qalpyna keltirý isi jónindegi mınıstr Tosımıtsý Motegı almastyratyn bolady. Burynǵy kabınettiń kezinde mınıstr laýazymdaryn atqarǵan taǵy da eki adam úkimetke qaıta oralady, al qalǵan 13 adam alǵash ret kabınet quramyna kirmek. Sársenbi kúni keshke el ımperatorynyń jańa mınıstrler kabınetin bekitý rásimi ótedi.

Tústen keıin úkimettiń jańa quramy belgili bolady.


Basty sózder: Álem,
Joǵary qaraı