Aýa raıy
Astana 1 °S
Almaty 1 °S
valıýta baǵamy
USD 388.70
EUR 428.70
RUB 6.08
CNY 55.46

Japonııadaǵy Hagıbıs daýylynan qaza tapqandar sany 35-ke jetti

2019 jyldyń 14 qazan 2019 10:52

TOKIO. KYODO-QazAqparat – Japonııa jeksenbi kúngi taıfýnnan aman qalǵandardy qutqarý jumysyn bastady. Óte kóp mólsherde jaýǵan jaýyn-shashyn saldarynan turǵyn úılerdiń iri ýchaskelerin sý alyp ketti, dep habarlaıdy QazAqparat kyodonews-ke silteme jasap.

Ózin-ózi qorǵaý kúshterinen 27 myńǵa jýyq áskerı qyzmetker Chımkýma ózeniniń jaǵalaýy opyrylǵannan keıin qıyn jaǵdaıda qalǵan 360 adamdy qutqarý úshin osy óńirlerge, sonyń ishinde Noganoǵa jiberildi.




Nagano stansasynyń janyndaǵy Shyǵys Japonııa temirjol kompanııasynyń temirjol stansasynda turaqqa qoıylǵan on qatar júrdek jolaýshylar poıyzdaryn, esepsiz nysandar men turǵyn úılerdi tasqyn sý alyp ketti.

Qutqarýshylar sý basqan úılerdegi turǵyndardy qutqarý úshin tikushaq pen qaıyqtardy paıdalandy.




Japonııanyń basty araly Honsıýde 6 mıllıonnan astam adamǵa evakýatsııa jasaýǵa keńes berilgen. Poıyz operatorlary temirjol qatynasyna shekteý qoıǵan, al astanalyq jáne oǵan jaqyn aýdandardyń áýejaılary áli de jabyq tur.




Japon meteorologııalyq agenttigi Tokıo, Gýnma, Saıtama, Kanagava, ıAmanası, Nagano, Sıdzýoka, Nııgıta, Fýkýsıma, Tochıgı, Ibarakı, Mııagı jáne Ivate prefektýralary úshin birden beske deıingi shkala boıynsha eń joǵary qaýip deńgeıin jarııalady.




Buǵan deıin QazAqparatta habarlanǵandaı, 12 ekıpaj múshesi bar panamalyq júk kemesi senbi kúni keshke Tokıo shyǵanaǵynda qatty jel men jańbyr bolǵan jerde batyp ketken edi.

Jeksenbi kúni tańerteń 1925 tonnalyq keme ekıpajynyń tórt múshesi qutqaryldy, alaıda onyń beseýi artynan kóz jumdy. Batyp ketken kemeniń úsh múshesi iz-túzsiz joǵalǵan.




Joǵary qaraı