Aýa raıy
Astana 1 °S
Almaty 1 °S
valıýta baǵamy
USD 388.70
EUR 428.70
RUB 6.08
CNY 55.46

«Jas ulan» áskerı mektepteriniń tárbıelenýshileri saltanatty túrde ant qabyldady

2019 jyldyń 5 qazan 2019 17:51

NUR-SULTAN. QazAqparat - Búgin Nur-Sultan, Almaty, Shymkent jáne Qaraǵandy qalalarynyń barlyq «Jas ulan» respýblıkalyq áskerı mektepterinde tárbıelenýshiler ulan antyn qabyldady, dep habarlaıdy QR QM baspasóz qyzmeti.

Saltanatty is-sharaǵa Qarýly Kúshterdiń ardagerleri, tárbıelenýshilerdiń ata-analary qatysty.

Elordamyzdaǵy armııa generaly S.Q.Nurmaǵambetov atyndaǵy «Jas ulan» respýblıkalyq mektebine qabyldanǵan 237 tárbıelenýshi saltanatty túrde ant qabyldady. Dástúr boıynsha ulandar Keńes Odaǵynyń Batyry, Halyq qaharmany, armııa generaly Saǵadat Nurmaǵambetovtyń eskertkishine gúl shoqtaryn qoıdy.







Іs-shara ulandardy alańǵa turǵyzýdan jáne mektep týyn kirgizýden bastaldy. Áskerı mektep tárbıelenýshileriniń mańyzdy oqıǵasymen QR Qorǵanys mınıstriniń orynbasary general-maıor Tımýr Dándibaev quttyqtady.

«Sizder árqashan tek kásipqoı áskerı qyzmetshiler ǵana zamanaýı Armııanyń negizin quraıtyndyǵyn este saqtaýlaryńyz qajet. Jas bolǵandaryńyzǵa qaramastan, sizder durys joldy tańdadyńyzdar. Adamnyń eseıýi qoǵamda óz ornyn tabýmen, bastysy bolashaq mamandyqty tańdaýǵa qatysty kelgende tikeleı baılanysty. Bul úderistiń qalaı ótetininen sizderdiń aldaǵy taǵdyrlaryńyz belgili bolady» - dep atap ótti.




Óz aldyna ulandar ant berdi: «Men áskerı mektep tárbıelenýshisiniń ary men abyroıyn ardaqtaýǵa, múltiksiz tártip pen áskerı kishipeıildik erejelerin saqtaýǵa, bar yntammen Otanymyz – Qazaqstan Respýblıkasyn qorǵaýda ózimdi daıyndaýǵa ant etemin».




Saltanatty is-sharanyń sońynda barabanshylar rotasynyń ulandary barabandarymen defıle kórsetse, 4-shi oqý rotasynyń tárbıelenýshileri qoıan-qoltyq urys tásilderin, al 2-shi oqý rotasynyń ulandary qarýmen óz qoıylymdaryn pash etti.

Budan keıin ata-analar men kelgen qonaqtar áskerı mekteptiń oqý-materıaldyq bazasymen, sondaı-aq turǵylyqty jaǵdaıymen tanysty.




Ant berý ýádesin Shymkent qalasy mektebiniń 200-den asa ulandary da qabyldady. Tárbıelenýshiler áskerı mekteptiń aty berilgen Keńes Odaǵynyń Batyry Sabyr Raqymovtyń eskertkishine gúl shoqtaryn qoıdy. Sondaı-aq bul kúni Keńes Odaǵynyń eki márte batyry T. Bıgeldınov atyndaǵy Qaraǵandy «Jas ulan» respýblıkalyq mektebiniń 225 ulany ant qabyldady.

Bilim alýshylar standartty mektep sabaqtarymen qatar áskerı pánderdi, onyń ishinde jalpyáskerı taktıkany, baılanys negizderin, saptyq daıyndyqty, jalpyáskerı jarǵylardy jáne t.b. meńgeretindigin aıtyp ótken jón. Ulandar áskerı pánderdiń synyptaryndaǵy áskerı tehnıka men qarý-jaraqtyń úlgileri boıynsha zertteletin materıaldy is júzinde bekite alady.










Joǵary qaraı