Aýa raıy
Astana -8 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

Jastar jylynda iske asyrylatyn sharalar

2019 jyldyń 25 maýsym 2019 17:31

NUR-SULTAN. QazAqparat - «Jas maman» baǵdarlamasy boıynsha 200 myńnan astam maman daıyndalady. Bul týraly halyqpen eseptik kezdesýinde QR Aqparat jáne qoǵamdyq damý mınıstri Dáýren Abaev málim etti, dep habarlaıdy QazAqparat tilshisi.

«Mınıstrlik jumysynyń negizgi basymdyqtarynyń biri jastardy qoldaýǵa arnalǵan. Jas qazaqstandyqtardyń ózekti problemalaryn tıimdi sheshý úshin Jastar jylyn júzege asyrý boıynsha Jol kartasy bekitildi. Onyń aıasynda 89 shara qarastyrylyp otyr», - dedi mınıstr.



null

Osy oraıda Nur-Sultan, Almaty jáne Shymkent qalalarynda jumys isteıtin jastarǵa bir myń jalǵa beriletin páterdiń qurylysy eskerilgen. Mınıstrlik jalǵa beriletin baspanany usyný boıynsha tıisti erejeni ázirledi jáne ony 2019 jyldyń 1 tamyzyna deıin bekitý josparlanyp otyr.

Ekinshiden, jastardyń kásipkerlik bastamalaryn qoldaý qamtyldy. Ol úshin arnaıy «Jas kásipker» jobasy daıyndaldy.

Úshinshiden, kásipkerlik negizderine úsh jyldyń ishinde 50 myń stýdentti oqytý kózdelip otyr. Sonymen birge, memlekettik granttardy jas kásipkerlerge usyný qarastyrylǵan.

«Tórtinshiden, bilim berý men volonterlikti damytý aıasynda jastar arasynda «Jas maman» baǵdarlamasy ázirlendi. Joba aıasynda el boıynsha oqý oryndary úshin 400-den astam zamanaýı jabdyqtardyń jıyntyǵy alynady», - dedi vedomstvo basshysy.

Baǵdarlama nátıjesinde 210 myńnan astam bilikti kadr daıyndyqtan ótedi, sondaı-aq 15 myńnan astam oqytýshy biliktiligin arttyrady.

«Besinshiden, jas ǵalymdardyń irgeli jáne qoldanbaly zertteýlerin granttyq qarjylandyrýdy jylyna 3 mlrd teńgege arttyrý josparlanyp otyr», - dedi mınıstr.



null

Joǵary qaraı