Aýa raıy
Astana 17 °S
Almaty 21 °S
valıýta baǵamy
USD 384.39
EUR 431.71
RUB 6.11
CNY 55.88

Jastarǵa aıtyp qoıaıyn, bizde eń kóp neke qazan aıynda qıylady - Dálenov

2019 jyldyń 19 maýsym 2019 14:10 1063

NUR-SULTAN. QazAqparat - 2025 jylǵa qaraı Qazaqstanda jyl saıyn 150 myń neke qıylatyn bolady. Bul týraly búgin halyqpen eseptik kezdesý ótkizgen Ulttyq ekonomıka mınıstri Rýslan Dálenov aıtty, dep habarlaıdy QazAqparat tilshisi.

«Adamdardyń jıi ajyrasýyna BAQ-tyń jiti nazar aýdaryp ketýine baılanysty taıaýda statıstıkaǵa kóz júgirtken edim. Jyl saıyn elimizde 140 myń adam nekelesip, ókinishke qaraı 55 myńy ajyrasýǵa ótinish beredi eken. Eger neke qııý dınamıkasyna qaraıtyn bolsaq, shynymen de onyń tómendegeni baıqalady», - dedi ol.

Osy rette mınıstr nekelesýdiń tómendeýi 90-shy jyldardaǵy demografııalyq ahýalǵa baılanysty ekenin aıtty. Sebebi, sol jyldary dúnıege kelgen býynnyń sany az bolyp tur.

«Biz «Budan ári ne bolady? 2000 jyldardaǵy bizdiń beıbı bým qaıda?» degen saýaldar tóńireginde oılandyq. Boljamdarǵa qaradyq. Endi 5-6 jyldan keıin biz neke qııý boıynsha eń joǵary shekke jetemiz. 2025 jylǵa qaraı elimizde qıylatyn nekelerdiń sany 150 myńnan asyp túsetin bolady. Qyzyq úshin, jas qyzdarǵa aıtyp qoıaıyn, bizde eń kóp neke qazan aıynda - shamamen 13,5 myń, eń azy (8,5 myń)  - aqpan aıynda qıylady», - dedi Rýslan Dálenov.

 

 

Joǵary qaraı