Aýa raıy
Astana -2 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Jolda qabyldaý aktsııasy: Aqmolalyqtardyń myńnan astam saýalyna jaýap berildi

2019 jyldyń 16 qyrkúıek 2019 22:53

KÓKShETAÝ. QazAqparat - Aqmola oblysynda qyrkúıektiń 13-24 kúnderi polıtsııa men jergilikti atqarýshy organdardyń qyzmetkerleriniń qatysýymen «Jolda qabyldaý-Turǵyn úı aýlasynda qabyldaý» aktsııasy ótti, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, oblys ortalyǵyndaǵy Táýelsizdik alańynda ótken aktsııada tańǵy saǵat 09:00-den bastap kókshetaýlyqtardyń saýalyna Aqmola oblystyq PD bastyǵy, general-maıor Berik Bilálov óz jaýap berdi.

«Bizdiń maqsatymyz qala turǵyndaryn tolǵandyrǵan suraqtardy tyńdap, ony sheshýde tıisti keńes berý. Bular ákimshilik, aıyppuldy óteý, kóshi-qonǵa qatysty máseleler. Turǵyndarǵa qolaıly bolýy úshin biz aktsııaǵa tártip saqshylarynan bólek, jergilikti atqarýshy organdardyń qyzmetkerlerin tarttyq», - deıdi PD ÁPB bastyǵy Aslan Qyzbıkenov.




Polıtseılerdiń aıtýynsha, jergilikti atqarýshy organdardyń qyzmetkerlerin aktsııaǵa tartý arqyly halyqpen dıalogty birshama arttyrýǵa bolady. Óıtkeni, turǵyndardyń kópshiligi jol jáne turǵyn úı aýlasyn abattandyrý tóńiregindegi suraqtardy qoıady.

Barlyq saýaldar men shaǵymdar arnaıy jýrnalda resmı tirkelip, der kezinde tıisti sheshim qabyldanady.

Aktsııa qorytyndysy boıynsha barlyǵy 300-de astam adam polıtsııaǵa júginip, 1000-nan astam saýal qoıyldy. Onyń 262 ákimshilik aıyppuldy óteýge, 180-i kóshi-qon zańnamasynyń saqtalýyna, 170-i avtokólikti tirkeýge, 165-i júrgizýshi kýáligin berýge, 170-i kólik quraldaryn qaıta jabdyqtaý máselelerine qatysty.

Tártip saqshylary aktsııa kezinde turǵyndar tarapynan túsken aryz-shaǵymdardyń barlyǵy eskerýsiz qalmaı, múmkindiginshe jaýap berilgenin atap ótti.


Avtor Aslan Ospanov
Basty sózder: Kólik, QR ІІM, Qoǵam, Aqmola oblysy,
Joǵary qaraı