Aýa raıy
Astana 15 °S
Almaty 20 °S
valıýta baǵamy
USD 383.43
EUR 432.47
RUB 6.12
CNY 55.78

Jyl basynan beri shet elderden 7 myń qandasymyz kóship kelgen

2019 jyldyń 25 maýsym 2019 15:42 411

NUR-SULTAN. QazAqparat - Jyl basynan beri Qazaqstanǵa shet elderden 7 myń qandas kóship keldi. Bul týraly Úkimettiń baspasóz ortalyǵynda Eńbek jáne halyqty áleýmettik qorǵaý mınıstri Berdibek Saparbaev málim etti, dep habarlaıdy QazAqparat tilshisi.

«Biz Qazaqstannan tys elde ómir súrip jatqan qandastarymyzdy elge oralýǵa áli de shaqyryp jatyrmyz. Osy jyly shetten 7 myń adam kóship keldi. Ekinshiden, álbette, ishki mıgratsııa salasynda atqarylatyn jumystar da bar. Ózderińiz biletindeı, bizge jumyssyzdyq baıqalatyn óńirlerden jumys  oryny mol óńirlerge halyqty kóshirý týraly tapsyrma júktelgen. Atap aıtqanda, Qazaqstannyń ońtústik óńirlerinen shyǵysqa, soltústikke kóshirý jumystary júrgizilip jatyr. Osy kúnge deıin 900 adam kóshti», - dedi Berdibek Saparbaev.

Mınıstr sonymen qatar, «Nurly Ertis» baǵdarlamasy baryn eske sala otyryp, «Eńbek» baǵdarlamasyna Nur-Sultan qalasy da engizilgenin atap ótti.

«Qazirgi tańda 77 adam elordadan kóshirildi», - dedi ol.

Eske sala ketsek, Qazaqstanda oralmandardy beıimdeý ortalyqtary qurylatynyn Berdibek Saparbaev halyqqa esep berý kezinde málim etken bolatyn.

«Eń aldymen otandastarymyzǵa Qazaqstannyń kez kelgen óńirinde ómir súrýge múmkindik beredi. Ekinshiden, qonys aýdarý barysynda qala ne bolmasa aýylǵa ıaǵnı, jergilikti jerlerge baılanysty otbasynyń árbir múshesine shamamen 8 myń teńge tólenedi. Eger páter ne bolmasa turǵyn úı birden berilmese, onda 12 aı boıy 30-dan 70 myń teńgege deıin tólenedi», - dedi mınıstr.

 

 

 

 

Joǵary qaraı