今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

1-قىركۇيەكتە بالالار مەكتەپكە بارا الا ما – د س م جاۋابى

6 五月 2021 09:46

نۇر- سۇلتان. قازاقپارات – ق ر دەنساۋلىق ساقتاۋ مينيسترلىگى جاڭا وقۋ جىلىندا بالالاردى مەكتەپتە وقىتۋ ماسەلەسىنە پىكىر ءبىلدىردى، دەپ حابارلايدى قازاقپارات.

«شىنىندا دا، بۇل وتە ءجيى قويىلاتىن سۇراق. توقساننان توقسانعا دەيىن ءار جولى بالالاردى وفلاين فورماتتا وقىتۋعا جەڭىلدەتەمىز دەپ كۇتكەن ەدىك. ءبىراق، وكىنىشكە وراي، ەپيدەميولوگيالىق جاعداي وعان مۇمكىندىك بەرمەدى. قازىر بىزدە وتە كۇشتى قارۋ بار، ول - ۆاكسينا. سوندىقتان، جاڭا وقۋ جىلىنا دەيىن ۇجىمدىق يممۋنيتەتتى قامتاماسىز ەتە الساق نەمەسە حالىقتىڭ كوپ بولىگىن ۆاكسينالاي الساق، بۇل بالالاردى قورعاۋعا مۇمكىندىك بەرەدى»، - دەدى ق ر د س م سانيتارلىق- ەپيدەميولوگيالىق باقىلاۋ كوميتەتىنىڭ ءتوراعاسى ايجان ەسماعامبەتوۆا ورتالىق كوممۋنيكاتسيالار قىزمەتىندە وتكەن بريفينگىدە.

«وكىنىشكە وراي، قازىرگى ۋاقىتتا بالالار ۆاكسينا سالىنبايدى جانە ولاردىڭ وتباسى ىشىندە، توپ اراسىندا اۋرۋ جۇقتىرماۋى وتە ماڭىزدى. سوندىقتان بارشاڭىزدى ۆاكسينا الۋعا تاعى دا شاقىرامىن. بۇل بىزگە بالالاردى 1-قىركۇيەكتە مەكتەپكە، ستۋدەنتتەردى جوعارى وقۋ ورىندارىنا، كوللەدجدەرگە جانە ت. ب. بارۋىنا مۇمكىندىك تۋعىزادى»، - دەيدى ا. ەسماعامبەتوۆا.

回到顶部