今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

قازاقستان بويىنشا 2 ميلليارد تال ەگۋگە 82 ميلليارد تەڭگە جۇمسالادى

15 六月 2021 17:26

نۇر- سۇلتان. قازاقپارات - 2025 -جىلعا دەيىن ەل اۋماعىندا 2 ميلليارد تال ەگۋ جوسپارلانعان.

ەكولوگيا، گەولوگيا جانە تابيعي رەسۋرستار ۆيتسە- ءمينيسترى ءاليا شالابەكوۆانىڭ ايتۋىنشا، بۇل ىسكە بيۋدجەتتەن جالپى جيىنى 82 ميلليارد تەڭگە قاراستىرىلىپ وتىر، دەپ حابارلايدى قازاقپارات ءتىلشىسى.

بۇل تۋرالى ول ورتالىق كوممۋنيكاتسيالار قىزمەتىندە وتكەن بريفينگىدە ايتتى.

«كەشەندى جوسپار اياسىندا وبلىستىق اكىمدىكتەردىڭ، ەرەكشە قورعالاتىن تابيعي اۋماقتاردىڭ، ورمان رەسۋرسىن پايدالانۋشىلاردىڭ، حالىقارالىق دونورلاردىڭ، تابيعات پايدالانۋشىلاردىڭ جانە وزگە دە باستاماشى توپتاردىڭ كۇشىمەن ورمان ەگۋ جوسپارلانىپ وتىر. ورمان ەگۋ شاراسى جانە ونىڭ كولەمى وبلىستار بويىنشا پىسىقتالدى. ول ءۇشىن عىلىمي نەگىزدەمە ۇسىنىمدار مەن سالالىق تالاپتار بەكىتىلدى»، - دەدى ۆيتسە- مينيستر.

ۆەدومستۆو وكىلىنىڭ ايتۋىنشا، بيىل جىل سوڭىنا دەيىن جاڭادان ەگىلگەن تالدار سانى 60 ميلليون بولۋى كەرەك. 2025 -جىلعا دەيىن وسى قارقىن ۇدەپ وتىرادى.

«بيىل كوكتەمدە ەل بويىنشا 21600 گەكتار الاڭعا 81 ميلليون 510 مىڭ ءتۇپ تال ەگىلدى. كۇزدە 48 ميلليون 200 مىڭ تال ەگىلمەك. ەگىلگەن تالدار سانى جىل سايىن ءوسىپ وتىراتىن بولادى. كەلەسى جىلى 244 ميلليون، 2023 -جىلى 411 ميلليون، 2024 -جىلى 573 ميلليون جانە 2025 -جىلى 643 ميلليون تال ەگىلەدى. كوبىنەسە سەكسەۋىل، قاراعاي، ۇيەڭكى، شەگىرشىن، قايىڭ جانە تاعى باسقا اعاش تۇرلەرىن وتىرعىزۋ جوسپارلانعان»، - دەيدى ءاليا شالابەكوۆا.

ءمينيستردىڭ ورىنباسارى اتالمىش ماقساتقا بولىنەتىن قاراجاتتىڭ قاي كوزدەردەن الىناتىنىن دا اتادى. «2 ميلليارد، اعاشتىڭ 1,5 ميلليارد داناسى وبلىستىق اكىمدىكتەردىڭ ۇلەسىنە كەلەدى. ورمان قورىن پايدالانۋشىلار مەن حالىقارالىق دونورلارعا شامامەن 200 ميلليون دانا جانە ورمان شارۋاشىلىعى كوميتەتىنە باعىنىشتى ورگاندارعا 300 ميلليون تال ەگۋ قاجەت. جوبانى قارجىلاندىرۋ رەسپۋبليكالىق بيۋدجەت ەسەبىنەن دە، جەرگىلىكتى بيۋدجەت ەسەبىنەن دە ىسكە اسادى. 5 جىل ىشىندە رەسپۋبليكالىق بيۋدجەتتەن 22 ميلليارد تەڭگە، جەرگىلىكتى بيۋدجەتتەن 60 ميلليارد تەڭگە جۇمسالادى. قاراجات ءتيىستى تەحنيكا مەن قۇرىلعىلار ساتىپ الۋعا كەرەك. تاپسىرمانى ورىنداۋ ءۇشىن تراكتورلار، تال ەگۋ ماشينالارى، توپىراق قوپسىتقىش قۇرىلعىلار الىنادى. ەلدەگى ءتالىمباقتاردىڭ اۋدانى كەڭەيتىلەدى»، - دەدى ۆيتسە- مينيستر.

ونىڭ ايتۋىنشا، 2 ميلليارد اعاشتىڭ 300 ميلليون داناسىن تۇقىم سەبۋ ارقىلى، 1,7 ميلليارد داناسى كوشەت تۇرىندە ەگۋ جوسپارلانىپ وتىر. بيىلدىڭ وزىندە جەرگىلىكتى بيۋدجەتتەردەن 6 ميلليارد تەڭگە، رەسپۋبليكالىق بيۋدجەتتەن 5,5 ميلليارد تەڭگە بولىنگەن.

اۆتور: ەسىمجان ناقتىباي

回到顶部