今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

2022 жылы елордада ескі үйлердегі тұрғындардың мәселесі шешіледі

15 十月 2021 15:03

НҰР-СҰЛТАН. ҚазАқпарат – Елорда әкімі Алтай Көлгінов 2022 жылы қаладағы ескі үйлердегі тұрғындардың мәселесі шешілетінін айтты, деп хабарлайды ҚазАқпарат тілшісі.

«Сарыарқа және Алматы аудандарында барак үлгісіндегі ескілер үйлер баршылық. Сонымен қатар ескі жатақханалар мен тозығы жеткен бес қабатты үйлер көп кездеседі. Биыл 257 отбасыны көшіреміз», - деді А. Көлгінов елорда мәслихатының кезектен тыс сессиясында.

Оның айтуынша, үлескерлер мәселесі толық шешілгеннен кейін, негізгі екпін апатты ескі үйлерге қойылады.

«2022-2023 жылдар үлескерлер проблемасын шешеміз. Ал 2022 жылдан бастап ескі үйлерді бұзуға ерекше мән береміз. Осы орайда апатты үйлердегі тұрғындарды жаңа баспанаға көшіреміз», - деді қала әкімі.

Бұдан бұрын хабарланғандай, Алтай Көлгінов үлескерлер мәселесі қалай шешіліп жатқанын айтты.


回到顶部