今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

تورنادو: ا ق ش- تا كىسى ءولىمى بولىپ، گەرمانيادا 30 ادام زارداپ شەكتى

21 五月 2022 15:26

نۇر-سۇلتان.قازاقپارات - گەرمانيادا اتموسفەرالىق قۇيىننان شاتىرلار قيراپ، كولىكتەر توڭكەرىلىپ، اعاشتار قۇلادى، دەپ حابارلايدى «حابار 24».

سولتۇستىك رەين- ۆەستفاليا جەرىندەگى نەمىستىڭ پادەربورن قالاسىنىڭ 30 تۇرعىنى تورنادو كەزىندە جاراقات الدى. قالا بيلىگى ادامداردى قۇتقارۋ جۇمىستارىنا كەدەرگى كەلتىرمەۋگە جانە باسىن قاۋىپ- قاتەرگە تىكپەۋگە شاقىردى. ليپپشتاد قالاسى دا قاتتى زارداپ شەكتى. وندا شىركەۋ توبەسى قۇلاپ ءتۇستى.

DPA اقپارات اگەنتتىگىنىڭ مالىمەتىنشە، 100 دەن اسا ادام اشىق باسسەيندە قامالىپ قالعان، ويتكەنى قۇلاعان اعاشتار جولدى جاۋىپ تاستاعان. وقيعا ورنىنا قالانىڭ بارلىق قۇتقارۋشىلارى جىبەرىلدى. مەتەورولوگتار جۇمادا گەرمانيانىڭ باتىسى مەن ورتالىعىندا قاتتى جاڭبىر، بۇرشاق جاۋىپ، جەلدىڭ ەكپىنى ساعاتىنا 130 شاقىرىمعا جەتۋى مۇمكىن دەپ ەسكەرتكەن بولاتىن.

اۋا رايىنا بايلانىستى بەيسەنبىدە دە اۆتوموبيل مەن تەمىرجول كولىگىنىڭ قوزعالىسى بۇزىلىپ، جۇزدەگەن جەرتولە سۋ استىندا قالدى. سونداي- اق امەريكانىڭ گەيلورد قالاسىنداعى (ميچيگان) جويقىن قۇيىن سالدارىنان ءبىر ادام قايتىس بولىپ، 40 تان اسا ادام زارداپ شەككەن.

www.24.kz

关键词: الةم,
回到顶部