今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

قازاقستان ۆاكسينا العان ازاماتتار سانى بويىنشا الەمدە 57-ورىندا تۇر

5 五月 2021 22:43

نۇر-سۇلتان. قازاقپارات - ق ر دەنساۋلىق ساقتاۋ ءمينيسترى الەكسەي سوي ەلدەگى ۆاكسيناتسيا جۇرگىزۋ قارقىنىن باياندادى، دەپ حابارلايدى قازاقپارات.

«ۆاكسيناتسيا جۇمىستارى تۇراقتى قارقىنمەن جۇرۋدە. قازاقستان الەمدە ۆاكسينا العان ازاماتتار سانى بويىنشا 57-ورىندا تۇر. بۇل وتە جاقسى پوزيتسيا جانە قارقىنى دا قالىپتى. ەگەر ۆاكسيناتسيانىڭ باستاپقى كەزەڭىندە كۇش سالار بولساق، بۇل حالىقتىڭ ۆاكسينادان باس تارتۋىنا اكەلۋى مۇمكىن. ەش اسىقتىرۋ بولماۋ كەرەك. باستاپقى كەزەڭدە ناقتى ءتۇسىندىرۋ، مىسال كەلتىرۋ، جۇيەنىڭ دايىندىعى، مەديتسينا قىزمەتكەرلەرى مەن ۆاكسينالاۋ پۋنكتتەرىنىڭ دايىندىعى بولۋى كەرەك»، - دەدى مينيستر ورتالىق كوممۋنيكاتسيالار قىزمەتىندە وتكەن بريفينگىدە.

«ۆاكسينانى حالىققا جەتكىزۋ ءۇشىن جىلجىمالى رەفريجەراتورلار بولۋى، شالعاي ەلدى مەكەندەردى قامتاماسىز ەتۋ وتە ماڭىزدى بولدى. ساۋدا ورتالىقتارىندا جابدىقتالعان ورىندار اشىلدى جانە ولار شۇعىل كومەك كورسەتۋ بويىنشا ارنايى جيناقتارمەن جابدىقتالدى، بارلىق اعىن پىسىقتالدى. لوگيستيكا وتە ۇلكەن. ەڭ باستىسى، بۇل ەۆوليۋتسيالىق پروتسەسس. قازىر ازاماتتاردىڭ وزدەرى ەلىمىزدە قولجەتىمدى ۆاكسينانى الۋعا تىرىسىپ جاتىر»، - دەدى ا. سوي.

回到顶部