今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

قازاقستان تۇراقتى اسكەر سانى بويىنشا الەمدە 70-ورىندا تۇر

20 一月 2022 13:51

نۇر- سۇلتان. قازاقپارات - قازاقستان تۇراقتى اسكەر سانى بويىنشا الەم ەلدەرىنىڭ رەيتينگىندە 70-ورىندا تۇر.

Еnergyprom.kz جازۋىنشا، ەلدەگى ءار 10 مىڭ ادامعا 40-قا جۋىق اسكەري ادام كەلەدى. الەم ەلدەرىنىڭ قارۋلى كۇشتەر قۇرامىنداعى تۇراقتى اسكەر سانى بويىنشا 2021 -جىلعى رەيتينگى بەلگىلى بولدى. قازاقستان 166 ەلدىڭ ىشىندە 70 -ورىندا تۇر. رەيتينگتەگى مالىمەت بويىنشا، قازاقستان قارۋلى كۇشتەرىنىڭ تۇراقتى اسكەر سانى - 39 مىڭ. قارۋلى كۇشتەرگە جاتپايتىن اسكەريلەندىرىلگەن قۇرىلىمداردا 31,5 مىڭ ادام جۇمىس ىستەيدى. وسىلايشا، قازاقستاندا 70,5 مىڭ اسكەري ادام جۇمىس ىستەيدى دەگەن ءسوز. ياعني، ەلدىڭ 10 مىڭ تۇرعىنىنا 38 ادامنان كەلەدى.

ت م د ەلدەرىنىڭ اراسىندا قازاقستاننىڭ الدىندا رەسەي (5- ورىن)، ۋكراينا (21- ورىن)، ءازىربايجان (41- ورىن)، وزبەكستان (63- ورىن)، بەلارۋس (64- ورىن)، ارمەنيا (66- ورىن) جوعارى تۇر. ال تۇركىمەنستان، قىرعىزستان، تاجىكستان جانە مولدوۆا مەملەكەتتەرى قازاقستاننان تومەن تۇر.

2021- جىلدىڭ ءۇشىنشى توقسانىنداعى دەرەك بويىنشا، مەملەكەتتىك باسقارۋ، قورعانىس جانە مىندەتتى الەۋمەتتىك قامسىزداندىرۋ سالاسىندا جۇمىس ىستەيتىندەر سانى 483,2 مىڭ ادام بولعان. بۇل بىلتىرعىدان % 1,9 از. مەملەكەتتىك باسقارۋ مەن قورعانىستا ەڭبەك ەتەتىندەر اسىرەسە الماتى وبلىسىندا (72,9 مىڭ ادام)، شىعىس قازاقستان وبلىسى مەن ەل استاناسىندا كوپ شوعىرلانعان. ال ماڭعىستاۋ وبلىسى بۇل كورسەتكىش بويىنشا ەڭ سوڭعى ساتىدا تۇر.

اۆتور: ەسىمجان ناقتىباي

关键词: الةم,
回到顶部