今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

ۇلتتىق قور اكتيۆتەرى قانداي دەڭگەيدە ءوستى

15 六月 2021 14:29

نۇر- سۇلتان. قازاقپارات - قارجى ءمينيسترى ەرۇلان جاماۋبايەۆ ۇلتتىق قوردىڭ قازىرگى جاعدايى تۋرالى باياندادى، دەپ حابارلايدى قازاقپارات ءتىلشىسى.

«بيۋدجەتتىك پروتسەستىڭ ماڭىزدى كومپونەنتى - ول ۇلتتىق قور. بيىلعى 1 - ماۋسىمداعى جاعداي بويىنشا ونىڭ اكتيۆى 27,6 تريلليون تەڭگەنى قۇرادى، ونىڭ ىشىندە ۆاليۋتالىق پورتفەل 58,5 ميلليارد دوللار. اتاپ ايتقاندا، 2020 -جىلدىڭ قورىتىندىسى بويىنشا ۇلتتىق قور 744 ميلليارد تەڭگەگە ءوستى»، - دەدى ە. جاماۋبايەۆ حالىق الدىندا ەسەپ بەرۋى كەزىندە.

ونىڭ ايتۋىنشا، مينيسترلىك تاراپىنان قوردىڭ جيناق قىزمەتىن كۇشەيتۋگە باعىتتالعان جۇيەلى جۇمىستار جۇرگىزىلىپ جاتىر.

«وسى ورايدا ۇلتتىق قوردان كەپىلدى ترانسفەرت كولەمىن بىرتىندەپ قىسقارتۋ بويىنشا بيۋدجەت كودەكسىنە تۇزەتۋلەر ەنگىزىلدى. بۇل قادامدار ۇلتتىق قور اكتيۆتەرىنىڭ جيناقتالۋىنا ىقپال ەتىپ، مۇنايلى ەمەس تاپشىلىقتى بىرتىندەپ تومەندەتۋگە مۇمكىندىك بەرەدى»، - دەدى مينيستر.

بۇدان بۇرىن حابارلانعانداي، ۆەدومستۆونىڭ 2021 -جىلداعى جۇمىسىنىڭ نەگىزگى باعىتتارىن اتادى.

اۆتور: رۋسلان عابباسوۆ

回到顶部