今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

ماۋلەن اشىمبايەۆ تۇركيانىڭ قازاقستانداعى ەلشىسىن قابىلدادى

15 六月 2021 16:29

نۇر- سۇلتان. قازاقپارات - سەنات ءتوراعاسى ماۋلەن اشىمبايەۆ تۇركيانىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى ۋفۋك ەكيدجيدى قابىلدادى، دەپ حابارلايدى قازاقپارات ق ر پارلامەنتى سەناتىنىڭ باسپا ءسوز قىزمەتىنە سىلتەمە جاساپ.

كەزدەسۋ بارىسىندا تاراپتار ساۋدا، ەكونوميكا، مادەنيەت جانە ءبىلىم بەرۋ سالالارىنا قاتىستى ەكىجاقتى ءوزارا ءىس- قيمىل ماسەلەلەرىن تالقىلادى.

«تۇركيا - ەلىمىز ءۇشىن ساياسي، مادەني جانە ەكونوميكالىق- ينۆەستيتسيالىق تۇرعىدان ماڭىزدى ستراتەگيالىق سەرىكتەس مەملەكەت. تاۋەلسىزدىگىمىزدىڭ العاشقى كۇندەرىنەن باستاپ قازاق- تۇرىك بايلانىستارى بارلىق سالادا قارقىندى دامىپ كەلەدى. بۇگىندە مەملەكەتتەرىمىزدىڭ باسشىلارى اراسىنداعى تۇراقتى قارىم- قاتىناستىڭ ارقاسىندا ءوزارا ىنتىماقتاستىق جوعارى دەڭگەيگە كوتەرىلدى»، - دەدى ماۋلەن اشىمبايەۆ.

سونىمەن قاتار سۇحباتتاسۋشىلار تۇركىتىلدەس مەملەكەتتەردىڭ ىنتىماقتاستىق كەڭەسى اياسىندا تۇركىتىلدەس حالىقتاردىڭ ينتەگراتسياسىن دايەكتى تۇردە دامىتۋ ماسەلەلەرىنە نازار اۋداردى. ودان بولەك، سەنات سپيكەرى بۇگىندە ەكى مەملەكەت اراسىندا پارلامەنتارالىق ىنتىماقتاستىق تا بەلسەندى دامىپ كەلە جاتقانىن اتاپ ءوتتى. ماۋلەن اشىمبايەۆ بۇل باعىتتا تۇركىتىلدەس ەلدەردىڭ پارلامەنتتىك اسسامبلەياسى ماڭىزدى جۇمىس اتقارىپ كەلە جاتقانىن ايتتى.


回到顶部