今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

الەم ەلدەرىنىڭ كوبى ءبىزدى ۆاكتسينا شىعارادى دەپ كۇتكەن جوق - ەرالى توعجانوۆ

16 六月 2021 19:54

نۇر-سۇلتان. قازاقپارات - ۆاكسينالاۋ شاراسىنا 12 مىڭنان استام مامان اتسالىسىپ جاتىر، دەپ حابارلايدى قازاقپارات.

بۇل تۋرالى پرەمەر-ءمينيستردىڭ ورنباسارى ەرالى توعجانوۆ مەديتسينا قىزمەتكەرلەرى كۇنىنە ارنالعان كەزدەسۋدە ايتتى.

«بۇگىن بۇكىل الەم ۆاكسيناتسيا عانا ۇيرەنشىكتى ومىرگە كارانتينسىز ورالۋعا مۇمكىندىك بەرەتىنىن ءتۇسىندى. ەلىمىزدە حالىقتى ۆاكسينالاۋ بويىنشا اۋقىمدى ناۋقان جالعاسىپ جاتىر. كوروناۆيرۋسقا قارسى يممۋنداۋ ناۋقانىنا 12 مىڭنان استام مەديتسينا قىزمەتكەرى اتسالىسىپ ءجۇر. بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنىڭ عالىمدارىنىڭ كوروناۆيرۋسقا قارسى ۆاكتسينانىڭ بەس ءتۇرىن ازىرلەۋدەگى ەڭبەگىن ەرەكشە اتاپ وتكىم كەلەدى»، - دەدى ەرالى توعجانوۆ.

ول قازاقستاننىڭ ءوز ۆاكتسيناسىن جاساۋى - كوپتەگەن ەلدەر ءۇشىن كۇتپەگەن جاڭالىق بولعانىن اتادى.

«ءىس جۇزىندە قازاقستان بۇگىندە الەمدە ءوز ۆاكتسيناسى بار التى ەلدىڭ قاتارىندا. مەنىڭ ويىمشا، بۇل - ەلىمىزدىڭ ۇلكەن جەتىستىگى. بۇل تۋرالى اقپاراتقا كوپتەگەن ەلدەردىڭ تاڭ قالعانىن ناقتى بىلەمىن. تالايلار قازاقستان ءوز ۆاكتسيناسىن ازىرلەي الادى دەپ كۇتپەسە كەرەك»، - دەگەن ەرالى توعجانوۆ ۆاكسينا ازىرلەۋدىڭ باسى-قاسىندا جۇرگەن كۇنسۇلۋ زاكاريا، لەسپەك قۇتىمبەتوۆ، بەرىك حايرۋللين، مۇحيت ورىنبايەۆ، مارحابا قاسەنوۆ سياقتى ماماندارعا العىسىن جەتكىزدى.

اۆتور: ەسىمجان ناقتىباي

关键词: الةم,
回到顶部