今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

مينيسترلىك انتيۆاكسەرلەرمەن قالاي جۇمىس ىستەپ جاتىر

28 七月 2021 20:57

نۇر- سۇلتان. قازاقپارات - دەنساۋلىق ساقتاۋ ءمينيسترى الەكسەي سوي ۆەدومستۆو تاراپىنان انتيۆاكسەرلەرمەن قانداي جۇمىس جۇرگىزىلىپ جاتقانىن باياندادى، دەپ حابارلايدى قازاقپارات ءتىلشىسى.

«ازاماتتاردىڭ ءارتۇرلى ساناتتارى بار. الەمدە كوروناۆيرۋستىڭ بار ەكەنىن مۇلدەم جوققا شىعاراتىن ازاماتتار دا بار. دەنساۋلىعىنا باسقالاي زيان كەلەتىنىنەن قورقاتىن ادامدار توبى بار. ءار توپقا ءارتۇرلى ءتاسىل قولدانۋ كەرەك. ءبىز ءتۇرلى جولدارمەن ءتۇسىندىرىپ جاتىرمىز. قازىر ءتۇرلى توپتارمەن جۇمىس جۇرگىزىلىپ جاتىر. ءار سانات انىقتالىپ، ماماندارىمىز سولارمەن ءتۇسىندىرۋ جۇمىسىن جۇرگىزىپ جاتىر»، - دەدى مينيستر ورتالىق كوممۋنيكاتسيالار قىزمەتىندە وتكەن بريفينگتە.

سونداي- اق، ۆەدومستۆو باسشىسى ۆاكتسيناعا قارسى ادامداردىڭ دەرەكقورىن جيناۋ جوسپاردا جوق ەكەنىن ايتتى.

«ءبىزدىڭ مىندەتىمىز - حالىققا ءتۇسىندىرۋ. انتيۆاكسەرلەردىڭ قاتارى كوپ ەمەس. ءبىز ولارمەن جۇمىس ىستەيمىز. حالىقتى ۆاكسينانى قولدايتىندار مەن قولدامايتىندار دەپ ءبولۋ مىندەتىن قويىپ وتىرعان جوقپىز. ءبىزدىڭ مىندەتىمىز - حالىقتىڭ وسى توپتارىمەن جۇمىس ىستەۋ عانا. ۆاكسيناتسيانىڭ قانشالىقتى پايدالى ەكەنىن جانە ەكپە الماسا نە بولاتىنىن ءتۇسىندىرۋ. سوندىقتان ءبىز كەز كەلگەن اداممەن جۇمىس ىستەيمىز»، - دەدى الەكسەي سوي.

回到顶部