今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

باس باپكەر بوكسشىلاردىڭ وليمپياداداعى ءساتسىز جەكپە- جەگىنىڭ سەبەبىن اتادى

5 八月 2021 20:24

نۇر- سۇلتان. قازاقپارات - قازاقستاننىڭ بوكس قۇراماسىنىڭ باس باپكەرى عالىمبەك كەنجەبايەۆ توكيو وليمپياداسىندا ونەر كورسەتكەن وتاندىق بوكسشىلاردىڭ ءساتسىز جەكپە- جەگىنە قاتىستى تۇسىنىكتەمە بەردى، دەپ حابارلايدى قازاقپارات ءتىلشىسى.

«بوكسشىلاردىڭ دايىندىعى جەتكىلىكتى دەڭگەيدە بولدى، ولاردىڭ وليمپياداداعى كورسەتكىشتەرىنە قاتىستى وزىمە دە سۇراق قويىپ جاتىرمىن. سپورتشىلار دايىندىقتىڭ بارلىق دەڭگەيىنەن ءوتتى جانە ءوزارا سىنعا دا ءتۇستى. وليمپيادادا بوكسشىلارعا پسيحولوگيالىق قىسىم كەرى اسەرىن تيگىزدى دەپ ويلايمىن، دەسەك تە بارلىعى دا تاجىريبەلى سپورتشىلار»، - دەدى ع. كەنجەبەكوۆ و ك ق- دە ونلاين وتكەن باسپا ءسوز ءماسليحاتىندا.

سونداي- اق، ەلىمىزدىڭ باس باپكەرى بوكسشىلار توكيو كليماتىنا سايكەس كەلەتىن كورشى رەسەيدە نەگە دايىندالمادى دەگەن سۇراققا جۋاپ بەردى.

«پاندەمياعا بايلانىستى ۆلاديۆوستوكقا بارىپ جاتتىعۋدىڭ رەتى كەلمەدى. وندا رەسەيدىڭ قۇراما كومانداسى جاتتىعىپ، ءبىزدى دە شاقىرعان بولاتىن. كارانتيندىك شەكتەۋلەردەن بارا المادىق. جالپى ۆلاديۆوستوكتا شەتەلدەن كەلىپ، جاتتىعۋ وتكىزگىسى كەلگەن نيەت بىلدىرۋشىلەردىڭ سانى كوپ بولدى، دەگەنمەن كارانتينگە بايلانىستى ولارعا تىيىم سالىندى. ءبىزدىڭ بوكسشىلار الماتىداعى «اقبۇلاق» بازاسىندا جاتتىقتى. سپورتشىلارىمىز توكيوعا 17 سىندە باردى، اراعا ون كۇن سالىپ بوكسشىلاردىڭ العاشقى جەكپە- جەگى ءوتتى. سوندىقتان دا جەرگىلىكتى كليماتقا بەيىمدەلۋ ءۇشىن ۋاقىت جەتكىلىكتى بولدى»، - دەيدى ول.

بۇعان دەيىن حابارلاعانىمىزداي، ق ر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ ءتوراعاسى سەرىك ساپيەۆ توكيو وليمپياداسى ويىندارىنان سوڭ سپورتشىلار جانە ولاردى جاتتىقتىرۋشى باپكەرلەردىڭ قاتىسۋىمەن كەڭەيتىلگەن وتىرىس وتەتىنىن ايتتى. وندا جىبەرىلگەن كەمشىلىكتەر تالقىلانباق.

关键词: سپورت,
回到顶部