今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

جاڭا ۇيلەردىڭ دىبىس تۇنشىقتىرۋ قابىلەتى نەگە ناشار

24 九月 2021 16:27

نۇر- سۇلتان. قازاقپارات - قازاقستان قۇرىلىسشىلار وداعىنىڭ باسشىسى تالعات ەرعاليەۆ جاڭا سالىنعان ۇيلەردىڭ شۋىلدان قورعاۋ قابىلەتى نەلىكتەن ءالسىز ەكەنىن ءتۇسىندىردى، دەپ حابارلايدى قازاقپارات ءتىلشىسى.

«دىبىستى تۇنشىقتىراتىن ماتەريال ەكى قابىرعاعا قالانعان كىرپشىتەردىڭ اراسىنا توسەلەدى. بالكىم شارشى مەتردىڭ قۇنى قولجەتىمدى بولۋ ءۇشىن ۇنەمدەۋ اسەرىنەن اۋىتقۋ بولاتىن شىعار. ءبىراق نەگىزى كەز كەلگەن قۇرىلىس كومپانياسى قۇرىلىس ماتەريالىن ورنىمەن، قاجەت مولشەردە پايدالانۋعا تىرىسادى»، - دەدى تالعات ەرعاليەۆ قۇرىلىسشىلار وداعى وتىرىسىنىڭ ب ا ق وكىلەرىنە بەرگەن سۇحباتىندا. ول ءوزى باسقاراتىن قۇرىلىسشىلار وداعى بۇل ماسەلەنى قاداعالمايتىنىن اتادى.

«جوق، ءبىز بۇل ماسەلەنى تەكسەرمەيمىز. سەبەبى ءبىز باقىلاۋشى ورگان ەمەسپىز. ءبىز قۇرىلىس كومپانيالارىنىڭ مۇمكىندىگىن كەڭەيتۋ جولىندا قولداۋ كورسەتەمىز. وسى ارقىلى نەعۇرلىم كوبىرەك باسپانا سالىنىپ، ەل مۇقتاجدىعىن ازايتۋعا كۇش سالامىز. ءبىزدىڭ نەگىزگى ميسسيامىز وسىمەن بايلانىستى»، - دەپ تۇيىندەدى تالعات ەرعاليەۆ.

اۆتور: ەسىمجان ناقتىباي

关键词: قوعام,
回到顶部