今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

پاريج سوتى قازاقستاننىڭ پايداسىنا شەشىم شىعاردى

15 十月 2021 10:31

نۇر- سۇلتان. قازاقپارات - پاريج قالاسىنىڭ سوتى «Tasyapi Insaat Taahhut San. ve Ticaret A. S.» كومپانياسىنىڭ ارىزى بويىنشا ىستە قازاقستان رەسپۋبليكاسىنىڭ پايداسىنا شەشىم شىعاردى.

بۇل تۋرالى قازاقپارات ادىلەت مينيسترلىگىنە سىلتەمە جاساپ حابارلايدى.

مينيسترلىكتىڭ حابارلاۋىنشا، جابىرلەنۋشى سوتتان بۇدان بۇرىن شىققان تورەلىك شەشىمنىڭ كۇشىن جويۋدى تالاپ ەتتى. تورەلىك شەشىمگە سايكەس تاشياپى قازاقستاننىڭ پايداسىنا 6,7 ميلليارد تەڭگە تولەۋ قاجەت.

«قازاقستان رەسپۋبليكاسى پاريج سوتىنا تاشياپىنىڭ تالاپ- ارىزى نەگىزسىز ەكەنىن دالەلدەدى. سونىمەن قاتار، سوت تاشياپىنى قازاقستاننىڭ 30000 ەۋرو كولەمىندە كەتكەن سوت شىعىندارىن وتەۋگە مىندەتتەدى. اۆتوموبيل جولدارى كوميتەتىنىڭ تاشياپى اراسىنداعى «اقتوبە - ماقات» جولىنا قۇرىلىس جۇرگىزۋ تۋرالى كەلىسىمشارتتىق قاتىناستار - اتالمىش تورەلىك داۋدىڭ ءمانى بولدى. تالاپ- ارىز سوماسى 6,5 ميلليون ا ق ش دوللارىن قۇراعان. 2019 -جىلدىڭ 3-جەلتوقسانىندا سينگاپۋردەگى حالىقارالىق تورەلىك ورتالىعىنىڭ تورەلىك سوتى تاشياپىنىڭ تالاپ- ارىزدارىن قابىلداماي، قازاقستاننىڭ قارسى تالاپتارىن قاناعاتتاندىرعان ەدى. تورەلىك سوتتىڭ ورنى دا پاريج قالاسى بولعان»، - دەلىنگەن حابارلامادا.

وسى ءىس بويىنشا مەملەكەتتىڭ مۇددەلەرىن قورعاۋدى قازاقستان رەسپۋبليكاسىنىڭ ادىلەت مينيسترلىگى جۇزەگە اسىردى.


关键词: الةم,
回到顶部