今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

ەركەبۇلان مالشى ۇلى موڭعولياداعى كۇرەستەن ايماقتىق لاشىن اتاعىن جەڭىپ الدى

18 十月 2021 09:47

بايان- ولگەي. قازاقپارات - موڭعوليانىڭ بايان- ولگيي ايماعىندا ۇيىمداستىرىلعان كۇرەس سايىسىندا ارىستان دارەجەلى پالۋان ەركەبۇلان مالشى ۇلى جەڭىمپاز اتانىپ، ايماقتىق لاشىن (ناچين) دارەجەسىن يەلەندى.

بۇل تۋرالى قازاقپارات Kaznews.mn اقپارات اگەنتتىگىنە سىلتەمە جاساپ حابارلايدى.

«موڭعولدىڭ ۇلتتىق كۇرەسىنەن ايماقتىق اتاق بەرىلەتىن سايىسقا 128 پالۋان قاتىسىپ، ايماقتىق لاشىن (ناچين) دارەجەسىن ەركىنبەك شوقان ۇلى مەن بەرداۋلەت مۇقتار ۇلى جەڭىپ الدى. فينالدىق كەزدەسۋ ايماقتىق ارىستان (ارسلان) ەركەبۇلان مالشى ۇلى مەن ەنحبولدىن تاميراا اراسىندا ءوتتى. بۇل بەلدەسۋدە ەركەبۇلان مالشى ۇلى جەڭىمپاز اتانىپ، ايماقتىق «حۋرتس ارسلان» اتاعىن الدى.

بۇل اتاق موڭعولدىق ۇلتتىق كۇرەس ەرەجەسىنە ساي ايماقتىق مەرەي تويدا ەكى مارتە جەڭىمپاز اتانعان پالۋانعا بەرىلەدى. ەركەبۇلان مالشى ۇلى بۇعان دەيىن 2011 -جىلى ايماقتىق ارىستان اتاعىن العان بولاتىن»، - دەلىنگەن اقپارات دەرەكوزىندە.

回到顶部