今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

ەۋروپالىق كەڭەس: ەۋرووداقتىڭ كەي ەلدەرىندە كوروناۆيرۋسقا قاتىستى جاعداي وتە كۇردەلى

22 十月 2021 12:26

بريۋسسەل. قازاقپارات - بەيسەنبى كۇنى ەۋروپالىق كەڭەس وتىرىسىنىڭ سوڭعى كۇنى اياقتالدى، وندا ەۋرووداققا مۇشە 27 ەلدىڭ كوشباسشىسى ەنەرگيا تاسىمالداۋشىلارىنىڭ باعالارى مەن COVID-19 پاندەمياسىنا قارسى كۇرەس جۇرگىزۋ ماسەلەلەرىن تالقىلادى، دەپ حابارلايدى قازاقپارات ءتىلشىسى.

ەۋروپالىق كوشباسشىلار سامميتىنىڭ قورىتىندىسى بويىنشا، COVID-19 پاندەمياسىنا قارسى كۇرەسكە قاتىستى مالىمدەمە جاسالدى. ەۋروپالىق كەڭەس بۇكىل ەۋروپا بويىنشا جۇرگىزىلگەن ۆاكسينالاۋ ناۋقانى ۆيرۋسپەن كۇرەس جۇرگىزۋدە ايتارلىقتاي پروگرەسكە اكەلگەنىن اتاپ ءوتتى.

ولاي بولعانىمەن، ەۋرووداققا مۇشە كەي مەملەكەتتەردەگى جاعداي وتە كۇردەلى بولىپ قالىپ وتىر. بۇكىل ە و بويىنشا ۆاكسينالاۋ دەڭگەيىن كوتەرۋ ءۇشىن ۆاكسينالاۋعا قاتىستى كۇدىكتى جويۋ جاعىنا كۇش سالۋ قاجەت.

سونىڭ ىشىندە اسىرەسە الەۋمەتتىك جەلىلەردە تاراتىلاتىن تەرىس اقپاراتپەن كۇرەس جۇرگىزۋ كەرەك، دەپ سانايدى ەۋرووداقتىڭ ۇكىمەت جانە ەل باسشىلارى.

بۇدان باسقا، بريۋسسەلدە COVID-19 ۆيرۋسىنىڭ جاڭا نۇسقالارىنىڭ پايدا بولۋىنا قاتىستى قىراعىلىق تانىتۋ كەرەكتىگى اتاپ ءوتىلدى. ەۋرووداق ەپيدەميولوگيالىق جاعدايدىڭ تۇراقتانۋىنا بايلانىستى ە و ىشىندە ەركىن ءجۇرىپ- تۇرۋ جانە وعان كىرۋگە كومەكتى ۇيلەستىرۋگە ۇندەپ وتىر. ە و كوشباسشىلارىنىڭ كەڭەسى ەۋروكوميسسيانى سەرتيفيكاتتاردى ءۇشىنشى ەلدەرمەن ءوزارا مويىنداۋ جۇمىسىن تەزدەتۋگە ۇندەدى، دەلىنگەن ەۋروپالىق وداقتىڭ قورىتىندى مالىمدەمەسىنىڭ ماتىنىندە.

اۆتور: زارينا تۋعانبايەۆا

关键词: الةم,
回到顶部