今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

الماتى تۇرعىندارىنا كوكتايعاققا بايلانىستى ەسكەرتۋ جاسالدى

27 十一月 2021 11:22

الماتى. قازاقپارات - الماتىدا قار ارالاس جاۋىن جاۋىپ، كەشكى جانە تۇنگى ۋاقىتتا اۋا تەمپەراتۋراسى مينۋس 8-10 گرادۋسقا دەيىن تومەندەپ، تۇمان ءتۇسىپ، اۋانىڭ جوعارى ىلعالدىلىعىنا بايلانىستى مۇز قاتىپ، كوكتايعاق بولۋى ىقتيمال، دەپ حابارلايدى قازاقپارات ءتىلشىسى.

وسىعان بايلانىستى الماتى قالالىق ت ج د كولىك جۇرگىزۋشىلەرىن جىلدامدىقتى تومەندەتىپ، اۆتوموبيل اراسىنداعى قاشىقتىقتى ۇلعايتۋعا جانە جىلدام مانيەۆر جاساماۋعا شاقىرادى. جاياۋ جۇرگىنشىلەرگە تروتۋاردا ساق بولىپ، اسا قاجەتتىلىك بولماعان جاعدايدا ۇيدەن شىقپاعانى ابزال. الماتى قالاسىنىڭ ت ج د جاياۋ جۇرگىنشىلەرگە ءبىرقاتار ۇسىنىس بەردى:

- ەسىڭىزدە بولسىن، قار مەن كوكتايعاق كەزىندە كولىك جۇرگىزۋى كۇرت ناشارلايدى جانە جۇرگىزۋشىنىڭ كولىكتى باقىلاۋدى جوعالتۋى مۇمكىن، ناتيجەسىندە جاياۋ جۇرگىنشىلەردىڭ قاعىپ كەتۋى مۇمكىن؛

- كوشەلەردى جول قوزعالىسى ەرەجەلەرىمەن بەلگىلەنگەن ورىنداردا ءوتۋ كەرەك؛

- اباي بولىڭىز، جولدان وتكەن كەزدە، باسقا ىستەرگە (ۇيالى تەلەفونمەن سويلەسۋ جانە ت. ب. الاڭداماڭىز؛

- ءارقاشان الدىڭىزدا اياقتىڭ استىنا قاراڭىز؛

- اياق كيىمدى دۇرىس تاڭداۋعا نازار اۋدارۋ كەرەك. اياق كيىم بۇدىرلى ورنەگى بار تايعانامايتىن ماتەريالدان جاسالعان تەگىس تاباندى بولۋى ءتيىس؛

- قولىڭىزدى قالتاڭىزدا ۇستاماڭىز، بۇل سىزگە مۇزدا تەپە-تەڭدىكتى ساقتاۋعا مۇمكىندىك بەرەدى؛ - ەسىڭىزدە بولسىن، تروتۋارلار، قالالىق كولىك ايالدامالارى، دۇكەندەرگە كىرە بەرىستەگى باسپالداقتار، ءتىپتى ءوز ءۇيىنىڭ كىرەبەرىسى- ادامدار ءجيى جاراقات الىپ قۇلايتىن جەر.

اۆتور: الما مۇقانوۆا

关键词: ايماق,
回到顶部