今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

قىتاي بيلىگى وليمپيادا قاتىسۋشىلارىنا كوروناۆيرۋسقا قاتىستى تالاپتاردى جەڭىلدەتتى

25 一月 2022 17:02

بەيجىڭ. قازاقپارات - بەيجىڭدە قىسقى وليمپيادا ويىندارىنىڭ ۇيىمداستىرۋ كوميتەتى قاتىسۋشىلارعا كوروناۆيرۋسقا بايلانىستى قويىلعان تالاپتاردى جەڭىلدەتتى.

بۇل تۋرالى حالىقارالىق وليمپيادا كوميتەتىنىڭ (ح و ك) مالىمەتىندە ايتىلعان، دەپ حابارلايدى قازاقپارات.

ح و ك مالىمدەمەسىنە ساي، پ ت ر- تەست ناتيجەسى ارقىلى ۆيرۋستى انىقتاۋ مەرزىمى ازايتىلىپ، «جاقىن ارالاسۋ» مەرزىمى 14 كۇننەن 7 كۇنگە دەيىن قىسقارادى. ۆيرۋس انىقتالعان ادامدار ارنايى بولىنگەن «يزولياتورلارعا» كارانتينگە ورنالاستىرىلادى. 10 كۇن كارانتيندە وتىرعاننان كەيىن ولاردان ك ۆ ي سيمپتومدارى بايقالماي، پ ت ر- تەست ءۇش كۇن قاتارىنان تەرىس ناتيجە كورسەتكەن جاعدايدا، ولار بۇرىن بروندالعان ورىندارىنا ورنالاسا الادى.

«وزگەرىستەر (2022 -جىلعى وليمپيادا ويىندارىندا كوروناۆيرۋسقا قارسى كۇرەس ەرەجەلەرى) بىردەن كۇشىنە ەنەدى. ولار قازىرگى جاعدايعا ورايلاستىرىلىپ، وليمپيادا قاتىسۋشىلارىن قولداۋ ماقساتىندا جاسالعان»، - دەلىنگەن ح و ك حابارلاماسىندا.

كوروناۆيرۋس انىقتالعان قاتىسۋشىلار ءۇشىن «بەيجىڭ-2022» ۇيىمداستىرۋ كوميتەتى ح و ك- پەن بىرگە قىسقا ۋاقىتتا ۇيگە ورالۋعا مۇمكىندىك بەرەتىن بولەك شارالار قاراستىرىپ جاتىر. ولار تۋرالى جەكە حابارلاناتىن بولادى.

«بەيجىڭ-2022» ۇيىمداستىرۋ كوميتەتى سپورتشىلار مەن رەسمي تۇلعالار، ويىندارعا كەلگەن مۇددەلى تاراپتار وكىلدەرىنىڭ اراسىندا ۆيرۋس جۇقتىرعاندار بويىنشا ستاتيستيكا جۇرگىزە باستادى. 24 - قاڭتارداعى جاعداي بويىنشا كوروناۆيرۋس جۇقتىرعاندار سانى 78-گە جەتكەن. قىتايلىق ب ا ق- تىڭ حابارلاۋىنشا، قازاقستان قۇراماسى بەيجىڭگە 27- قاڭتاردا ۇشپاق. XXIV قىسقى وليمپيادا ويىندارى بەيجىڭدە 2022 -جىلدىڭ 4-20- قاڭتارى ارالىعىندا وتەدى.


关键词: الةم,
回到顶部