今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

وليمپياداشىلارىمىز بەيجىڭگە اتتاندى

28 一月 2022 08:33

نۇر- سۇلتان. قازاقپارات - سپورتتان قازاقستان قۇراماسى XXIV قىسقى وليمپيادا ويىندارىنا اتتانىپ كەتتى، دەپ حابارلايدى قازاقپارات ءتىلشىسى.

كەشە، ياعني 27-قاڭتاردا قازاقستان دەلەگاتسياسى نۇر- سۇلتان - الماتى - بەيجىڭ باعىتى بويىنشا قىسقى وليمپيادا ويىندارىنا ۇشىپ كەتتى. بارلىق سپورتشىلار مەن جاتتىقتىرۋشىلار ۇشۋعا دەيىن سوڭعى اپتالاردى قاتاڭ كارانتين جاعدايىندا وتكىزدى. ولار بارلىق قاۋىپسىزدىك شارالارىن ەسكەرە وتىرىپ، «ەير استانانىڭ» ارنايى رەيسىمەن قىتاي استاناسى بەيجىڭگە بارىپ قونادى.

سپورتشىلارىمىز وليمپيادا قالاشىعا بارعاننان كەيىندە كارانتين ەرەجەلەرىن ساقتاي وتىرىپ، جارىسقا دەيىن جاتتىعۋلارىن جالعاستىرماق. ال شەتەلدەردە وقۋ- جاتتىعۋ جيىندا جۇرگەن سپورتشىلار جەكە گرافيك بويىنشا بەيجىڭگە سول وزدەرى تۇرعان ەلدەن توتە ۇشىپ بارادى.

ايتا كەتەيىك، اتالعان اق وليمپيادادا ەلىمىزدىڭ نامىسىن 34 سپورتشى قورعايدى. ولار - قىسقى سپورت ويىندارىنىڭ ىشىندە سپورتتتىڭ شاڭعى جارىسى، فريستايل- موگۋل، شاڭعى اكروباتيكاسى، تاۋ شاڭعىسى، شاڭعىمەن سەكىرۋ، بياتلون جانە شورت- ترەك تۇرلەرىنەن جۇلدەلى ورىندارعا تالاسادى. وليمپيادا ويىندارى 4-اقپان كۇنى باستالىپ، 16-اقپاندا مارەسىنە جەتەدى. الدىن الا مالىمەت بويىنشا، بۇل ويىندارعا الەمنىڭ 95 ەلىنەن 4 مىڭنان استام سپورتشى قاتىسادى. وندا 109 مەدال جيىنتىعى ساراپقا سالىنادى.


关键词: سپورت,
回到顶部