今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

زەلەنسكي ماسكەۋدىڭ قاتەلىكتەرىن اتادى

19 五月 2022 11:25

نۇر-سۇلتان. قازاقپارات - رەسەي ۋكرايناعا باسىپ كىرگەن كەزدە كوپ قاتەلىك جىبەرگەن. پرەزيدەنت ۆلاديمير زەلەنسكي وسىلاي دەپ مالىمدەدى.

سەبەبى رەسەي باسشىلىعى باستاپقىدا كاسىبي ەمەس ساربازداردى مايدانعا اتتاندىرىپ، كوپ جاۋىنگەرىنەن ايىرىلعان. ازاماتتىق نىسانداردى اتقىلاعان زىمىراندارى دا تاۋسىلۋعا جاقىن. ەندى لازەرلى قارۋ قولدانۋعا كوشتى دەيدى. سوڭعى مالىمەتكە قاراعاندا ۋكراينا كۇشتەرى حاركوۆ وبلىسىنداعى دەمەنتيەۆكا اۋىلىن ازات ەتكەن. رەسەي تاراپى بولسا ۋكراينانىڭ ونداعان اسكەري نىسانىنا سوققى بەرىپ، بىرنەشە باسقارۋ ورتالىعىن تالقانداعانىن ايتادى.

«ءبىز باسقىنشىلاردى ەلدەن قۋىپ، ۋكراينانىڭ قاۋىپسىزدىگىن قامتاماسىز ەتۋىمىز قاجەت. وسىعان بايلانىستى ەلدە اسكەري جاعداي ءتارتىبى مەن جالپىعا بىردەي موبيليزاتسيانى ۇزارتۋ تۋرالى بۇيرىققا قول قويدىم. جوعارعى رادا شەشىمىدى قولدايدى دەپ ۇمىتتەنەمىن. ۋكراينانى قورعاپ جاتقان اسكەرىمىز قاجەتتىنىڭ بارىمەن قامتاماسىز ەتىلۋى كەرەك. ءبىز باسىپ الىنعان جەرلەرىمىزدىڭ ءبارىن ازات ەتەمىز « ، دەيدى ۋكراينا پرەزيدەنتى ۆلاديمير زەلەنسكي.

ال رەسەي پرەزيدەنتىنىڭ كومەكشىسى ۆلاديمير مەدينسكي ۋكراينا باسشىلىعىنىڭ بيلىگى شەكتەۋلى دەدى. سەبەبى كيەۆتىڭ ءتۇرلى شەشىم قابىلداۋىنا باتىس ەلدەرى ارالاسىپ وتىر. بۇل كيەۆ باتىس ەلدەرىنىڭ زور ىقپالىندا ەكەنىن كورسەتەدى - دەيدى.

«قازىرگى كيەۆتىڭ بيلىگى شەكتەۋلى. مۇنى ولاردىڭ ءوزى دە بىلەدى. ولار بىزدە شەشىم قابىلدايتىن بىرنەشە ورتالىق بار دەيدى. ءبىراق ونىڭ ءبىرى باتىستاعى دوستارى ەكەنىن ءبىز جاقسى بىلەمىز « ، دەيدى رەسەي پرەزيدەنتىنىڭ كومەكشىسى ۆلاديمير مەدينسكي.

24.kz

关键词: الةم,
回到顶部