今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

ا ق ش- تا بەنزين باعاسى رەكوردتىق كورسەتكىشكە جەتتى

20 五月 2022 17:04

بريۋسسەل. قازاقپارات - وسى اپتادا ا ق ش- تا ءبىر گاللون بەنزيننىڭ ورتاشا باعاسى (ءبىر گاللون - 4,54 ل) 10 سەنتتەن 4,58 دوللارعا دەيىن ءوستى، دەپ حابارلايدى قازاقپاراتتىڭ مەنشىكتى ءتىلشىسى امەريكا اۆتوموبيل قاۋىمداستىعىنا سىلتەمە جاساپ.

جاڭا مالىمەتتەرگە سايكەس، وتكەن اپتادا ا ق ش- تاعى بەنزيننىڭ جالپى ىشكى قورى 4,8 ميلليون باررەلگە، 220,2 ميلليون باررەلگە دەيىن ازايدى. سونىمەن قاتار، بەنزينگە تاۋلىكتىك سۇرانىس 8,7 ميلليوننان 9 ميلليون باررەلگە دەيىن ءوستى. وسىلايشا، ۇسىنىستىڭ قىسقارۋى جانە سۇرانىستىڭ ءوسۋى اۆتوموبيل وتىنىنىڭ قىمباتتاۋىنا اكەلدى. جاعدايدى الەمدىك نارىقتاعى شيكى مۇناي باعاسىنىڭ ءوسۋ سەرپىنى قيىنداتا تۇسۋدە. سارسەنبىدە WTI ماركالى مۇناي باعاسى 2,81 دوللارعا تومەندەپ، 109,59 دوللاردى قۇرادى. الايدا، جانارماي قۇيۋ بەكەتتەرىندەگى بەنزيننىڭ ورتاشا باعاسى ا ق ش- تىڭ ءار شتاتىندا العاش رەت 4 دوللاردان استى، ال بەنزيننىڭ ورتاشا ۇلتتىق باعاسى ءبىر گاللون ءۇشىن 4,567 دوللارعا جەتتى ء(بىر ءليترى - شامامەن 1 دوللار).

امەريكالىق اۆتوموبيل قاۋىمداستىعىنىڭ (ا ا ق) مالىمەتىنشە، كانزاس، وكلاحوما جانە دجوردجيا سياقتى كەي شتاتتاردا جانارماي باعاسى العاش رەت $4 تەن استى، ال كاليفورنيا سياقتى باسقا شتاتتاردا جانارمايدىڭ ورتاشا باعاسى $6,05 قۇراپ وتىر. كەيبىر ساراپشىلاردىڭ بولجامىنشا، ا ق ش- تاعى بەنزيننىڭ ورتاشا باعاسى تامىز ايىنا دەيىن ءبىر گاللون ءۇشىن 6 دوللاردان اسۋى مۇمكىن.

جانارماي باعاسىنىڭ ءوسۋى باسقا باتىس ەلدەرىنە دە ىقپال ەتتى. ۇلىبريتانيادا اۆتواۋەسقويلار ءوز باكتارىن ءبىر گاللون ءۇشىن $7,70-تەن قۇيىپ ءجۇر. نيدەرلاند پەن گەرمانيادا $8,25-كە جەتتى، ال نورۆەگيا مەن دانيادا ءبىر گاللون بەنزين باعاسى $9-دان اسادى (ءبىر ليتر ءۇشىن شامامەن 860 تەڭگە).

اۆتور: اقبوپە ءابدراسۋل

关键词: الةم,
回到顶部