今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

Атырау облысында соңғы үш жылда 68 адам суға батып кеткен

25 一月 2022 22:33

АТЫРАУ.ҚазАқпарат – Атырау облысында соңғы үш жылда 68 адам суға батып кеткен, деп хабарлайды ҚазАқпарат.

Бұған дейін Атырауда 9 жасар бала жоғалып кетіп, оны іздеуге құтқарушылар мен еріктілер қосылған болатын. Кейін оның денесі судан табылған еді.

Атырау облыстық төтенше жағдайлар департаменті басшысының орынбасары Асхат Ержановтың айтуынша, 9 жасар баланың денесі Перетаска каналынан табылған.

«Бұл каналда мұндай қайғылы оқиға бірнеше рет қайталанып отыр. Мәселен, 2019 жылы Перетаска каналына 2 жасөспірім батып кетті. Бұған каналдағы жұқа мұздың ойылуы себеп болған. Биыл да каналдың мұзы қалың емес», -дейді Асхат Ержанов.

Оның мәліметіне сүйенсек, соңғы үш жылда 68 адам суға батып кеткен. Қайтыс болғандардың арасында 20 бала бар.


回到顶部