今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

Биыл 130 Балқаш тұрғыны баспаналы болады

15 四月 2021 20:12

БАЛҚАШ. ҚазАқпарат – Балқашта «Нұрлы жер» бағдарламасы аясында пәтерлер құрылысы жалғасуда. Биыл 18 мың шаршы метр пайдалануға беріледі. 130 адам тұрғын үй алады, деп хабарлайды ҚазАқпарат тілшісі.

Өңірлік коммуникациялар қызметі алаңында өткен брифингіде Балқаш қаласының әкімі Ораз Таурбеков тұрғын үй құрылысының қарқыны туралы айтып берді.

«Өткен жылы құрылыс қарқыны артты. 2019 жылмен салыстырғанда 2,5 есе көп шаршы метр пайдалануға берілді. 120-дан астам тұрғын өз пәтерінің кілтін алды», - деді қала әкімі.

10-шағын ауданда 45 пәтерлі екі тұрғын үй салынды. Жеке инвесторлар 30 пәтерлік және 2 пәтерлік үй салды. Жеке тұрғын үй құрылысына бес мың шаршы метрден астам жер бөлінді.

Биыл «Нұрлы жер» бағдарламасы аясында 130 балқаштық баспаналы болады. Аз қамтылған және көп балалы отбасылар үшін 42 пәтерді жалға алуға қаражат бөлінді.

«Самал» шағын ауданының инженерлік-коммуникациялық инфрақұрылымын жаңғыртуға қаржы салынды. Жақсартылған желілер 320 жер учаскесі мен екі білім беру мекемесіне өткізіледі.

Жер телімдерін бөлу жалғасуда. Биыл оларды кезекте тұрған 100 адам алады.


回到顶部