今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

Коронавирус: Жапонияның төрт префектурасы төтенше жағдай жариялады

1 八月 2021 10:52

НҰР-СҰЛТАН. ҚазАқпарат - Жапонияның төрт префектурасы коронавирустың өршуіне байланысты төтенше жағдай жариялайды, деп хабарлайды ҚазАқпарат ҚР Үкіметі жанындағы Қазақстанда коронавирустың таралуына жол бермеу жөніндегі ведомствоаралық комиссияның Telegram каналына сілтеме жасап.

Бұған дейін Токиодағы төтенше жағдай режимі 31 тамызға дейін ұзартылған болатын. Елде инфекция таралу көрсеткіші Олимпиада ойындары басталған соң күрт өсті.

Парижде вакцинация мен санитариялық өткізу құжаттарына қарсы демонстрацияға қатысушыларға қарсы көзден жас ағызатын газ қолданылды. Тәртіп сақшылары жиналғандарға тосқауыл қоюға тырысты, ішінара қақтығыстар болды, полиция шерудің арты тәртіпсіздіктерге ұласуы мүмкін деп қауіптеніп отыр.

Ливандағы мейрамханалар мен жағажайлар 2 тамыздан бастап тек вакцинацияланған адамдарды қабылдайды. Жаңа ережелер 16 жастан асқан барлық азаматтарға қолданылады. Сондай-ақ, 2 тамыздан бастап туризм саласының барлық қызметкерлері жұмысқа тек QR-код көрсету арқылы шыға алады.


回到顶部