今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

Қостанайда карантин талаптары күшейеді

28 七月 2021 18:25

НҰР-СҰЛТАН. ҚазАқпарат – Қостанайда коронавирус індетіне қарсы күрестегі санитарлық талаптарға өзгерістер енгізілді, деп хабарлайды ҚазАқпарат.

Қостанай облысының Бас мемлекеттік санитариялық дәрігерінің 28 шілдедегі қаулысына сәйкес 1 тамыздан бастап Қостанайда Ashyq жобасына қатысатын нысандарды қоспағанда ойын-сауық мекемелері (көрмелер, караоке, бильярд, қорқор, компьютер, түнгі және ойын клубтары, батуттар, балалардың үй жайлардағы ойын алаңдары, аттракциондар және басқалар) банкет залдары мен букмекер кеңеселерінің қызметі тоқтатылады.

Ashyq жобасына қатысатын нысандар толымдылығы 30%-дан аспайтын жағдайда жұмыс режімі 12:00-ден 18:00-ге дейін қызметін жалғастыра алады. Ал банкет залдары сағат 20:00-ге дейін жұмыс істейді, онда тек еске алу мен түскі ас берілуі тиіс. Демалыс күндері жоғарыда аталған нысандар жұмысын тоқтатады.

Сондай-ақ, кинотеатр, театр, мәдениет үйлері, концерт залдары мен филармонияның қызметі Ashyq жобасы арқылы сыйымдылығы 30%-дан аспауы тиіс және көрермендер 2 орын сайын отырғызылуы керек.

Қоғамдық тамақтану орындарында адамның саны 30-дан аспауы керек, жалпы толымдылық 50%. Олардың жұмыс уақыты сағат 9:00-ден кешкі 20:00-ге дейін, демалыс күндері Ashyq жобасына қатыспайтын қоғамдық тамақтану орындарының жұмысына рұқсат берілмейді.

Одан бөлек, азық-түлік емес тауарларды, сауда кешендерін, сауда үйлерін, сауда желілерін, 18:00-ге дейінгі азык-түлік емес дүкендерді өткізу бөлігінде сауда-ойын-сауық орталықтарының қызметіне 30%-дан аспайтын толықтырумен рұқсат беріледі.

Ауданы 2000 шаршы метрден асатын объектілердің, оның ішінде демалыс және мереке күндері азык-түлік емес тауарларды өткізетін сауда-ойын-сауық орталықтарының жұмысына тыйым салынады. Ойын-сауық нысандарының да жұмыс істеуіне рұқсат етілмейді.

Жабық спорт обьектілерінің (спорт кешендері, спорт мектептері, спорт клубтары, жаттығу залдары, йога орталықтары, спорттық-сауықтыру орталықтары және басқаларды қоса алғанда, фитнес-орталықтар) сағат 20:00-ге дейін істейді, толтырылуы 50%-дан аспауы тиіс.

Қаулының толық нұсқасымен мына сілтемеде танысуға болады.



回到顶部