今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

Президент тапсырмасы: Семейде жыл соңына дейін 2 мектеп бой көтереді

17 九月 2021 22:36

СЕМЕЙ. ҚазАқпарат – Семей қаласында жыл соңына дейін 2 мектеп салынады, деп хабарлайды ҚазАқпарат тілшісі.

«Мемлекет басшысы Қасым-Жомарт Тоқаев биылғы Жолдауында 2025 жылдың соңына дейін Қазақстанда 1000 мектеп салуға тапсырма берді. Осыған орай, Семейді дамытудың 2020-2025 жылдарға арналған кешенді жоспарын жүзеге асыру шеңберінде биыл екі жаңа мектеп ашылады. Степной және Шығыс кенттерінде орын тебетін білім ордалары 300 және 1200 орынға арналған», - деді қала әкімі Бақытжан Байахметов.

Оның айтуынша, алдағы жылдары шаһарда 3000 орындық 3 мектеп салу жоспарланып отыр. Олардың екеуі Қарағайлы ықшам ауданында, біреуі Водный кентінде бой көтереді.

«Балаларды мектепке дейінгі тәрбиемен қамту үшін мемлекеттік-жекешелік серіктестік аясында 1100 орынға арналған 4 балабақша салынады. Бүгінгі таңда Семейде мектепке дейінгі мекемелерде 2-ден 3 жасқа дейінгі 3 189 бүлдіршін кезекте тұр. Жаңа балабақшалар кезектегілерді толықтай қамтиды», - деді шаһар басшысы.



回到顶部