今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

ШҚО-да 1000 тоннадан астам пішен өртенді

23 十月 2021 12:41

ӨСКЕМЕН. ҚазАқпарат - Шығыс Қазақстан облысы Бесқарағай ауданында 1000 тоннадан астам пішен өртенді, деп хабарлайды ҚазАқпарат тілшісі.

ШҚО Төтенше жағдайлар департаменті баспасөз қызметінің мәліметіне сүйенсек, 22 қазанда сағат 15.43-те Бесқарағай ауданындағы Жандос ауылының шетінде жиналған 1028 тонна пішен өртенген. Сондай-ақ от шаруашылық қора-жайдың ағаш құрылымдарына тарады.

- Құтқарушылар мен орманшылар оқиға орнына шұғыл келіп жеткен. Бірлескен үйлесімді іс-қимылдың арқасында 788 шаршы метр алаңдағы өрт 23 қазан күні сағат 10.10-да сөндірілді. ​Тілсіз жауды ауыздықтауға ТЖД жеке құрамынан 8 адам және орман шаруашылығынан 2 автоцистерна, 8 қызметкер, 3 техника және 2 трактор жұмылдырылды, - деп хабарлады ведомство өкілдері.

​Алдын ала мәлімет бойынша қызыл жалынның шығу себебі - жем-шөпті жинау кезінде өрт қауіпсіздігі талаптарын сақтамау. ​ ​ ​ ​

回到顶部