今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

ШҚО-да 30 жылға жуық халықаралық іздеуде жүрген ресейлік ұсталды

28 九月 2021 10:40

ӨСКЕМЕН. ҚазАқпарат – Шығыс Қазақстан облысында 30 жылға жуық халықаралық іздеуде жүрген ресейлік ұсталды, деп хабарлайды ҚазАқпарат тілшісі.

ШҚО Полиция департаменті баспасөз қызметінің мәліметіне сүйенсек, 25 қыркүйек пен 1 қазан аралығында өңір аумағында «Іздеу» республикалық жедел-алдын алу шарасы жүргізілуде.

Шара барысында Семей қаласындағы криминалдық полиция қызметкерлері 30 жылға жуық Ресей Федерациясының құқық қорғау органдарынан жасырынып келген сол елдің азаматын ұстады. Белгілі болғандай, ол 1992 жылдың ақпанынан бастап адам өліміне әкеп соққан дене жарақатын келтіру фактісіне байланысты аса ауыр қылмыс жасағаны үшін мемлекетаралық іздеуде болған.

«Тәртіп сақшылары келіп түскен жедел ақпараттың нәтижесінде, ұзақ уақыт бойы жасырынып келген ер адамды анықтады. Ресейлік бірге тұрған әйелге өзін жалған атпен таныстырып, шынайы деректерді жасырып келген. Қазіргі уақытта қылмыскерді Ресей Федерациясына экстрадициялау мәселесі шешілуде», - деді облыстық ПД бастығының орынбасары Талғат Шаяхметов.


回到顶部