今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

ШҚО-дағы өрт: Вице-министр Риддерге аттанды

10 五月 2021 23:43

НҰР-СҰЛТАН. ҚазАқпарат – Шығыс Қазақстанның Риддер қаласы маңындағы өрт аумағынан қауіпсіз жерге көшірілген тұрғындар эвакуциялық пунктерге орналастырылып жатыр, деп хабарлайды ҚазАқпарат тілшісі.

Бұл туралы Шығыс Қазақстан облыстық төтенше жағдайлар департаменті хабарлады.

«Риддер қаласында жедел желі телефондары жұмыс істейді: 8 (72336) 42941;8 777 991 32.

Эвакуациялық пункттер келесі мекен-жайлар бойынша ұйымдастырылды:

1. Риддер агротехникалық колледжі

Тел.: 8 705 762 8065 Мекенжайы: Абай Көшесі, 65

2. «Қазцинк» профилакторий амбулаторлық орталығы базасындағы қонақ үй. Тел.: 8 771 305 18 53; мекенжайы: Гоголь к., 55а.», - деп жазылған департаменттің мәліметінде.

Төтенше жағдай министрлігінің ресми өкілі Талғат Уәли ҚазАқпарат тілшісіне өрттің беті әлі қайтпағанын айтты.

«Өрт әлі басылған жоқ. Оқиға орнына Төтенше жағдайлар вице-министрі Марат Күлдіков ұшып шықты», - деді Талғат Уәли.

Қазіргі таңда Риддер қаласының әкімі өрттен қауіптеніп баспанасын тастап шыққан тұрғындардың санын анықтап жатыр.


回到顶部