今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

Студенттерден кадрлық резерв қалыптастыру үшін Student’s Book құралы жасалды

23 五月 2022 18:29

НҰР-СҰЛТАН. ҚазАқпарат – ІТ мамандығында оқитын дарынды студенттерден кадрлық резер қалыптастыруға бағытталған Student’s Book цифрлық құралы жасалды. Бұл туралы Қазақстан Республикасы Президенті Іс басқарушысы Айбек Дәдебаев жазды, деп хабарлайды ҚазАқпарат.

А.Дәдебаевтің мәліметінше, ҚР Президенті Іс басқармасына қарасты ұйым – «Материалдық-техникалық қамтамасыз ету басқармасының инженерлік орталығы» РМК қызметкерлері Student’s Book цифрлық құралын жасап, пайдалануға енгізді.

«Жобаның мақсаты – аталған кәсіпорынның кадрлық әлеуетін нығайту үшін еліміздің үздік жоғары оқу орындарының талантты студенттері арасынан кадрлық резерв қалыптастыру. Жоба, сонымен бірге Қазақстанның дарынды жастарына ІТ-бағытында тәжірибе жинақтауға мүмкіндік береді және жаңа мамандарға көмек болады», - деді ҚР Президенті Іс басқарушысы.

Атап өтілгендей, Astana IT University студенттері бірден қызығушылық танытып, кәсіпорын базасында «киберқауіпсіздік», «бағдарламалық инженерия», «үлкен деректер талдауы», «компьютер ғылымдары» және өзге де бағыттар бойынша тәжірибеден өтуге 20-дан астам өтінім жіберді. Екі студент өндірістік тәжірибеге қабылданған.

Алдағы уақытта Student's Book цифрлық құралын ҚР ПІБ-нің барлық ведомстволық мекемелеріне енгізу мүмкіндігі пысықталатын болады.


回到顶部