今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

Той-жиынға барған: Астана жедел жәрдем қызметкерлері КВИ жұқтырған науқастар туралы айтты

30 七月 2021 21:56

НҰР-СҰЛТАН. ҚазАқпарат - Елордада күн сайын 1300-дей адамнан коронавирус анықталады. Дәрігерлердің айтуынша, реанимация бөліміне екпе ектірмеген жəне өз бетімен ем қабылдаған пациенттер түседі, деп хабарлайды ҚазАқпарат әкімдіктің ресми сайтына сілтеме жасап.

Ахуал орталығының мәліметінше, 30 шілде күні таңертең КВИ бар 238 пациент жансақтау бөлімінде, 45 адам өкпені жасанды желдету аппаратында жатыр.

Естеріңізге сала кетейік, ахуал орталығы 2020 жылдың маусым айында қаланың медициналық мекемелерінің жұмысын үйлестіру және коронавирус анықталған пациенттерді стационарларға біркелкі бөлу үшін құрылған.

«Өткен тәулікте 347 адам ауруханаға жатқызылды. Көріп отырғанымыздай, жағдай мәз емес. Оған қоса коронавирусы бар амбулаториялық науқастар саны да артты. Егер өткен аптада коронавируспен ауыратын 10 мыңнан астам адам үйде емделсе, бүгінде бұл сан 12 мыңнан асып кетті «, - деді мамандар.

Мамандардың айтуынша, науқастар санының өсуіне байланысты жедел жәрдем, оның ішінде МСАК ұйымдарының жанындағы мобильді бригадаларға үлкен жүктеме түсуде.

«Қоңырау саны 3500-ге дейін жетеді. Коронавирусқа байланысты қоңыраулар тәулігіне 300-ге дейін жетті. КВИ белгілері бар пациенттердің көпшілігі (90% - дан астамы) екпе алмаған науқастар және медициналық көмекке кеш жүгінетіндер, өзін-өзі емдеумен айналысқандар. Бригадалар пациенттерге келгенде, олардың бірінің сөйлеуге әлі келмей, кейбірі әрең дем алып жатады. Стационарға барар жолда олар нашарлай бастайды, біз қолдан келгенді жасаймыз», - дейді ЖМК бригадасының фельдшері Азамат Әлкенов.

Мамандардың айтуынша, көбіне салтанатты іс-шараларға қатысқан және медициналық маска тағу талаптарын елемеген азаматтар жедел жәрдем қызметін жиі шақырады.

Еске сала кетейік, елорда әкімінің тапсырмасы бойынша мобильді бригадалар саны екі есе артты.

Бұл жедел жәрдемнің, қаланың медициналық мекемелерінің жұмысын айтарлықтай жеңілдетуге көмектеседі.

Тек вакцинация сіздің және жақын адамдарыңыздың денсаулығын қорғауға мүмкіндік береді.


回到顶部