Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

رەسەيدەگى تانىمال 10 قازاق

22 April 2021 20:57

نۇر-سۇلتان - قازاقپارات - قازىر قازاقتاردى ماقتاۋ ترەندكە اينالعان سىندى. اسىرەسە، ت م د اۋماعىندا قازاقتاردىڭ ابىروي-بەدەلى كۇن ساناپ ءوسىپ بارادى.

ءبىرى رەسەيگە تانىمال بولۋ مەن ونەرىن شىڭداۋ ءۇشىن اتتانعان بولسا، ەندى ءبىرى الەمگە اتى تانىلىپ، كەيىن كورشى ەلدە ابىرويى اسقاقتادى.

ەندەشە رەسەيدە اتى شىعىپ، قازاق حالقىنىڭ جاعىمدى يميدجىن قالىپتاستىرعان تانىمال 10 قازاقتى نازارىڭىزعا ۇسىنىپ وتىرمىز.

ءادىل جالەلوۆ

كەرەكۋ وڭىرىنەن شىققان تانىمال رەپەر ءادىل جالەلوۆ رەسەيدى باعىندىرۋعا وسىدان 7 جىل بۇرىن اتتانعان. Gazgolder لەيبلىندە 5 جىل جۇمىس ىستەپ، بۇكىل ت م د- عا اتى تانىلدى. ورىس رەپىندە جوق سوقپاق پەن ستيل اكەلدى. رەسەيگە قازاقستاندىق رەپ ست



قازىر قازاقستاندىق جاس ارتىستەردىڭ باسىن قوسىپ، جەكە Music36 اتتى پروديۋسەرلىك ورتالىعىن قۇرىپ، قازاقستاندىق رەپتىڭ ىرگەتاسىن قالاپ جاتىر.

نۇرلان سابىروۆ




قازاقستاننىڭ ساتبايەۆ قالاسىندا دۇنيەگە كەلگەن نۇرلان سابىروۆ كورشى ەلگە مەكتەپ بىتىرگەن سوڭ اتتانعان. ەكاتەرينبۋرگتە وقىپ ءجۇرىپ ك ۆ ن- مەن اينالىسقان. كەيىن standup جانرىمەن «وتكرىتىي ميكروفون» جوباسىنا قاتىسىپ، اتى شىعادى.

ەكى جىلدىڭ ىشىندە-اق نۇرلان رەسەيدىڭ ەڭ تانىمال ءارى باي ازىلكەشىنىڭ بىرىنە اينالدى. ت ن ت تەلەارناسىندا StandUp جوباسىندا جۇمىس ىستەيدى. YouTube - تا جاساعان «چتو بىلو دالشە؟» شوۋى قازىر اتاقتى، ترەند تۋعىزاتىن باعدارلاماعا اينالدى.

ءبىر ونەر كورسەتكەنىنە $10,000 الادى دەسەدى.

ازامات مۇساعاليەۆ




رەسەيدە تانىمال قازاقتىڭ قوس كوميگى بار: ءبىرى - نۇرلان، ەكىنشىسى - ازامات. ازاماتتىڭ نۇرلاننان ايىرماسى سول - ول رەسەيدىڭ قازاعى. استراحان وبلىسىنىڭ شاعىن عانا قامىستى ەلدىمەكەنىندە دۇنيەگە كەلگەن مۇساعاليەۆ قازىر بۇكىل ت م د- عا تانىمال.

ونەرىن ك ۆ ن- نەن باستاعان ول ت ن ت تەلەارناسىندا «ودناجدى ۆ روسسي» اتتى سكەتچ-شوۋىن ۇيىمداستىردى. قازىر كينوعا، تەلەارنا مەن YouTube-تەگى جوبالارعا ءتۇسىپ ءجۇر.

ديماش قۇدايبەرگەن

ديماش اينالدىرعان ءبىر جىلدىڭ ىشىندە-اق رەسەيدە باعى جاندى. قىتايدا، كەيىن ازيادا اتى شىققان ديماشتىڭ ت م د جۇرتىن اۋزىنا قاراتۋى قيىن بولمادى.




وپەرا ۆوكال مەن k-pop ستيل ءوز دەگەنىن ىستەدى. رەسەيدە اتى شىققان اندەردىڭ وزىندىك كوۆەر نۇسقاسىن جاساپ، ەل سۇيىسپەنشىلىگىنە بولەندى.

بايعالي سەركەبايەۆ

بايعالي سەركەبايەۆتى قازىرگى جاستار تاني قويماس. ءبىراق ا’ستۋديو توبىن بىلەتىندەر، قازاقستاندىق ءارتىستى بىردەن تانيدى. باتىرحان شوكەنوۆپەن (2015-جىلى قايتىس بولدى) بىرگە رەسەي ساحناسىن جارىپ شىققان جۇلدىز قازىر ەكى ەلدىڭ دە بەدەلدى، ونەر قايراتكەرى بولىپ وتىر.




ديماشتى نوۆايا ۆولنادا ا’ستۋديو توبىنىڭ ءانىن ورىنداۋعا دايىنداپ، بىرگە ساحناعا سۇيەمەلدەۋگە شىققان ەدى.

نازيما




شىمكەنت قالاسىنىڭ تۋماسى نازيما 2018-جىلى ت ن ت تەلەارناسىنداعى «پەسني» جوباسىنا قاتىسىپ تانىمال بولدى.

قازىر Black Star Inc لەيبلىنىڭ ءارتىسى.

Jah Khalib

باقتيار مامەدوۆ قازاق جانە ءازىربايجان حالقىنىڭ وكىلى. «مەن قازاقستاندا ءوستىم، قازاق حالقىنىڭ تاربيەسىن كورگەن جانمىن. ال باكۋ مەن ءۇشىن ءوز ءۇيىم» دەيدى Jah Khalib.




قازىر الماتى قالاسىندا تۇرادى. رەسەيگە ءجيى بارىپ تۇرادى.

تيمۋر بەكمامبەتوۆ




قازاقستان مەن رەسەيگە بىردەي رەجيسسەر بولعان تيمۋر بەكمامبەتوۆ قازىر ماسكەۋ مەن لوس-اندجەلەستە تۇرىپ ەڭبەك ەتىپ جاتىر. ءبىراق وتانىن ۇمىتقان ەمەس. جىل سايىن ەلورداعا ۇشىپ كەلىپ، «Astana» حالىقارالىق ەكشن-فيلمدەر فەستيۆالىنە قاتىسادى.

ناتاليا ورىنباساروۆا

قازاق پەن پولياك قانى ارالاسقان ناتاليا ورىنباساروۆا جاستايىنان سۇلۋ، كوركەم ەدى. مۇنى رەجيسسەر اندرەي كونچالوۆسكي بايقاپ، كينوعا شاقىرادى.




1965-جىلى «پەرۆىي ۋچيتەل» دەبيۋتتىك فيلمىنە ءتۇسىپ، تانىمال تۇلعاعا اينالدى. اندرەي كونچالوۆسكيمەن وتاۋ قۇرادى. قازىر ۇلى ەگور كونچالوۆسكي اتا-اناسىنىڭ جولىن جالعاستىرىپ ءجۇر.

ارمان داۆلەتياروۆ

«مۋز-تۆ» كانالىنىڭ بۇرىنعى ديرەكتورى، «رۋسسكايا مەدياگرۋپپا» مەدياحولدينگىنىڭ باسشىسى ارمان داۆلەتياروۆ قازاق تەگىن ەشقاشان ۇمىتقان ەمەس.




رەسەيدەگى قازاق مادەنيەتى مەن ونەرىنىڭ وركەندەۋىنە ۇلەس قوسىپ جۇرگەن جان. جىل سايىن ەكى ەلدىڭ جۇلدىزدارىنىڭ باسىن قوسىپ، كونسەرت ۇيىمداستىرادى.

massaget.kz

Keywords: قوعام,
Up