Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

الماتى وبلىسىندا 122 سىنىپ كارانتينگە جابىلىپ، ەكى مىڭعا جۋىق وقۋشى قاشىقتان وقىپ ءجۇر

10 September 2021 21:58

تالدىقورعان. قازاقپارات - الماتى وبلىسىندا 301 وقۋشى كوروناۆيرۋس جۇقتىرىپ، ەمدەلىپ جاتىر. سالدارىنان 122 سىنىپ كارانتينگە جابىلدى، دەپ حابارلايدى قازاقپارات ءتىلشىسى.

قازىر ىندەتتى جۇقتىرعان 301 وقۋشىنىڭ بارلىق سىنىپتاستارى ياعني 1489 وقۋشى قاشىقتان وقىتۋعا جىبەرىلدى.

وقۋشىلار اراسىندا ىندەتتى ەڭ كوپ جۇقتىرعانداردىڭ ىشىندە تالدىقورعان قالاسى ءبىرىنشى ورىندا تۇر.

وبلىس ورتالىعىندا 80 وقۋشىدان COVID-19 انىقتالعان. ماسەلەن قالاداعى لومونوسوۆ اتىنداعى 5№ مەكتەپتىڭ 35 وقۋشىسى كوروناۆيرۋس جۇقتىرسا، 25№ مەكتەپتەن 11 وقۋشى، ال 28№ IT ليتسەي-مەكتەپتەن 7 وقۋشىدان كوروناۆيرۋس انىقتالعان.

«50 ۇستازدان كوروناۆيرۋس انىقتالدى. ول كىسىلەر ەم قابىلداۋدا جانە دە مەكتەپكە دەيىنگى ءبىلىم مەكەمەلەرىندە 12 جاعداي تىركەلگەن»، - دەدى الماتى وبلىستىق ءبىلىم باسقارماسىنىڭ ءبولىم باسشىسى الىشەر سىرىم.

ال اۋدانداردىڭ ىشىندە كوروناۆيرۋس جۇقتىرعان وقۋشىلاردىڭ كوبىسى ەڭبەكشىقازاق، ۇيعىر، تالعار اۋدانىندا تىركەلگەن. ماسەلەن ەڭبەكشىقازاق اۋدانىندا 32، ۇيعىر اۋدانىندا 26، تالعار اۋدانىندا 22 وقۋشى ىندەتتى جۇقتىرىپ، قازىر ۇيلەرىندە ەمدەلىپ جاتىر.

جالپى الماتى وبلىسىندا قازىر كوروناۆيرۋس جاعدايىنا بايلانىستى 1790 بالا ۇيىندە ءبىلىم الىپ ءجۇر. ونىڭ ىشىندە ىندەت جۇقتىرعاندارمەن بايلانىستا بولعاندار دا بار.

Up