Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

قازاقستاندا 147 مەكتەپ ءۇش اۋىسىمدا جۇمىس ىستەيدى

13 September 2021 20:29

نۇر-سۇلتان. قازاقپارات - قازاقستاندا 147 مەكتەپ ءۇش اۋىسىمدا جۇمىس ىستەيدى.

بۇل تۋرالى ق ر پرەمەر-ءمينيسترىنىڭ ورىنباسارى ەرالى توعجانوۆ وتكىزگەن كەڭەس بارىسىندا ايتىلدى، دەپ حابارلايدى قازاقپارات.

ءبىلىم جانە عىلىم مينيسترلىگىنىڭ دەرەكتەرىنە سايكەس بۇگىندە رەسپۋبليكادا جالپى كونتينگەنتى 250 مىڭ بالانى قۇرايتىن 147 مەكتەپ ءۇش اۋىسىمدا جۇمىس ىستەيدى.

ولاردىڭ ەڭ كوپ سانى الماتى (50)، ماڭعىستاۋ (16) وبلىستارىندا، شىمكەنت قالاسىندا (14) ورنالاسقان.

ۆيتسە-پرەمەر ءۇش اۋىسىمدى وقىتۋ، وقۋشى ورىندارىنىڭ تاپشىلىعى پروبلەمالارىن جەدەل شەشۋدىڭ ماڭىزدىلىعىن اتاپ ءوتتى.

ول ءۇشىن وڭتايلى شەشىم - جىلدام تۇرعىزىلاتىن از شىعىندى مودۋلدىك مەكتەپتەر سالۋ.

ەسكە سالساق، بۇگىن ق ر پرەمەر-ءمينيسترىنىڭ ورىنباسارى ەرالى توعجانوۆ ورتالىق جانە جەرگىلىكتى اتقارۋشى ورگانداردىڭ قاتىسۋىمەن نەگىزگى الەۋمەتتىك ماسەلەلەر بويىنشا كەڭەس وتكىزدى.

Up