Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

جامبىل جابايەۆ - 175 جىل: مەرەيتوي اياسىندا 500 دەن استام شارا ءوتتى

3 December 2021 19:59

الماتى. قازاقپارات - ق ر مادەنيەت جانە سپورت ءمينيسترى اقتوتى رايىمقۇلوۆا بيىلعى جىلى قازاقتىڭ ۇلى اقىنى جامبىل جابايەۆتىڭ 175 جىلدىعى قازاقستاندا قالاي تويلانىپ جاتقانىن ايتىپ بەردى، دەپ حابارلايدى قازاقپارات ءتىلشىسى.

«بيىل جامبىل جابايەۆتىڭ 175 جىلدىعىن اتاپ ءوتىپ جاتىرمىز. ءبىر جىل ىشىندە 500 دەن استام ءتۇرلى ءىس-شارا وتكىزدىك، سونىڭ ىشىندە شەتەلدە دە. اقىن شىعارماشىلىعىن ناسيحاتتاۋعا باعىتتالعان تانىمدىق، مادەني، عىلىمي-ادەبي كەشتەر، تاقىرىپتىق ەكسكۋرسيالار، كىتاپ كورمەلەرى مەن فوتو كورمەلەر، دوڭگەلەك ۇستەلدەر، اقىندار ايتىسى جانە باسقا دا ءىس-شارالار وتكىزىلىپ جاتىر»، - دەدى ق ر مادەنيەت جانە سپورت ءمينيسترى.




سونىمەن قاتار، ول بۇگىن جامبىل جابايەۆتىڭ 175 جىلدىعىن مەرەكەلەۋ اياسىندا جاس جازۋشى، اقىن، ونەر قايراتكەرلەرىمەن كەزدەسۋ وتكەنىن ايتتى.




«مۇنداي كەزدەسۋلەر جاس تالانتتارعا ۇلكەن سەرپىن بەرەدى، ولار ەلىمىزگە كەرەك ەكەنىن ءبىلۋى كەرەك. ءبىزدىڭ بولاشاعىمىز - جاستار. وسى ءىس-شارالاردىڭ بارلىعى سولار ءۇشىن وتكىزىلىپ جاتىر. بۇگىن ءتۇرلى ۇسىنىستار مەن باستامالار ايتىلدى. ءبىز تاۋەلسىزدىكتىڭ 30 جىلدىعىن تويلاپ جاتىرمىز جانە ونى باعالاي ءبىلۋىمىز كەرەك. ويتكەنى، بۇل كۇندى اتا-بابالارىمىز ارمانداعان. ءبىز جۇمىس ىستەپ، ەلىمىزدى دامىتۋىمىز كەرەك»، - دەدى اقتوتى رايىمقۇلوۆا.




ايتا كەتەيىك، بۇگىن الماتى وبلىسى جامبىل اۋىلىندا وتكەن ءىس-شاراعا مەملەكەتتىك حاتشى ق. كوشەربايەۆ، پرەمەر-ءمينيستردىڭ ورىنباسارى ە. توعجانوۆ، مادەنيەت جانە سپورت ءمينيسترى ا. رايىمقۇلوۆا جانە اقىن-جازۋشىلار قاتىستى.










Up