Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

پرەزيدەنت «نۇر-سۇلتان -  الماتى» اۆتوجولىن 2023 -جىلى پايدالانۋعا بەرۋدى تاپسىردى

22 April 2021 17:01

نۇر-سۇلتان. قازاقپارات - ۇكىمەت پەن وبلىس اكىمدىكتەرى 2025 -جىلعا دەيىن جەرگىلىكتى جەرلەردەگى جولداردىڭ 95 پايىزىن جوندەپ، رەتكە كەلتىرۋگە ءتيىس.

بۇل تۋرالى اتىراۋ وبلىسىنىڭ الەۋمەتتىك- ەكونوميكالىق دامۋ ماسەلەلەرى جونىندەگى كەڭەستە مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«تاعى دا قايتالاپ ايتامىن: ۇكىمەت پەن وبلىس اكىمدىكتەرى 2025 -جىلعا دەيىن جەرگىلىكتى جەرلەردەگى جولداردىڭ 95 پايىزىن جوندەپ، رەتكە كەلتىرۋگە ءتيىس. 2019 -جىلدان باستاپ بۇكىل ەلىمىز بويىنشا وسى ماقساتقا جىل سايىن رەسپۋبليكالىق بيۋدجەتتەن 50 ميلليارد تەڭگە بولىنۋدە. جول قۇرىلىسىنا جانە ونى جوندەۋگە جەرگىلىكتى بيۋدجەتتەن دە قارجى جۇمسالادى. ناتيجە جوق دەپ ايتۋعا بولادى. جوندەلگەن جولدىڭ كوبى ءبىر جىل وتپەي جارامسىز بولىپ قالادى. مۇنى اشىق ايتۋ كەرەك. مەردىگەرلەر وزدەرىنىڭ كەپىلدى مىندەتتەمەلەرىن قالاي ورىنداپ جاتىر؟ جالپى، وسى جۇمىسقا ۇزاق جىلدار بويى تەك بەلگىلى ءبىر مەردىگەرلەر عانا قاتىسادى. بۇل سۇراققا ۇكىمەت جاۋاپ بەرۋى كەرەك»، - دەدى ق ر پرەزيدەنتى.

قاسىم- جومارت توقايەۆ مەملەكەتتىڭ تاپسىرىسىن ورىندايمىن دەپ كەلگەن كەز كەلگەن مەردىگەردىڭ باستى مىندەتى - ساپالى جۇمىس بولۋى كەرەكتىگىن اتاپ ءوتتى. سوندىقتان، ولارعا قويىلاتىن تالاپ تا قاتاڭ بولۋعا تيىستىگىن باسا ايتتى.

«ال، جالپى ەلىمىزدەگى جولداردىڭ جاي- كۇيىنە كەلسەك، «نۇر- سۇلتان - الماتى» اۆتوجولىن جوندەۋ جۇمىستارى ءالى كۇنگە دەيىن اياقتالماعان. بۇل جول ەلوردامىزدى 8 ميلليوننان استام تۇرعىنى بار وڭتۇستىك وڭىرلەرمەن بايلانىستىرادى. جۇمىس قارقىنىن كۇشەيتىپ، وسى جولدى 2023 -جىلى پايدالانۋعا بەرۋدى تاپسىرامىن. شىن مانىندە، جول سالۋ جانە ونى جوندەۋ جۇمىستارى ساپاسىز اتقارىلىپ جاتقانىن مويىنداعان ءجون»، - دەدى مەملەكەت باسشىسى.


اۆتور: مارلان جيەمباي


Up