Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

الماتى وبلىسىندا بالا ەمىزىپ جۇرگەن 264 انا ۆاكسينا الدى

27 November 2021 08:05

تالدىقورعان. قازاقپارات - الماتى وبلىسىندا بالا ەمىزىپ جۇرگەن 264 انا ۆاكسينا الدى، - دەپ حابارلايدى قازاقپارات ءتىلشىسى.

الماتى وبلىسىندا 15-قاراشادان باستاپ 12-18 جاس ارالىعىنداعى جاسوسپىرىمدەر، جۇكتى جانە بالا ەمىزەتىن ايەلدەر اراسىندا ۆاكسيناتسيا جۇمىستارى باستالدى. وبلىسقا بارلىعى 46800 دوزا كوميرناتي ۆاكسيناسى كەلىپ ءتۇستى.

بۇگىنگى تاڭدا ۆاكسيناتسيالانعان ءتيىستى كونتينگەنت سانى 1980 ادام. ونىڭ ىشىندە 1673 جاس ءوسپىرىم، 43 جۇكتى ايەل جانە لاكتاتسيا كەزەڭىندە 264 ايەل ەكپە الدى.

ەستەرىڭىزگە سالا كەتەيىك، جاسوسپىرىمدەردى ۆاكسيناتسيالاۋ تەك اتا-انالارىنىڭ نەمەسە زاڭدى وكىلدەردىڭ كەلىسىمىمەن جۇزەگە اسىرىلادى.

الماتى وبلىستىق سانيتاريالىق- ەپيدەميولوگيالىق باقىلاۋ دەپارتامەنتىنىڭ باسپا ءسوز قىزمەتى تاراتقان حابارلاماعا سايكەس، الماتى وبلىسى حالىقتى كوروناۆيرۋستىق ينفەكسيادان ۆاكسيناتسيالاۋمەن قامتۋ دەڭگەيى بويىنشا رەسپۋبليكادا جەتەكشى ورىندا تۇر. بۇگىنگى كۇنى وڭىردە ۆاكسينانىڭ العاشقى دوزاسىن العاندار سانى 851429 ادامعا جەتتى، بۇل %71 دى قۇرايدى.

تولىق كۋرستان وتكەندەردىڭ سانى - 778939 ازامات نەمەسە يممۋنداۋعا جاتاتىن ەرەسەك تۇرعىنداردىڭ %65 ى. قازىرگى ۋاقىتتا وبلىس تۇرعىندارى ۆيرۋسقا قارسى پرەپاراتتار اراسىندا: «سپۋتنيك ۆ»، «QazVac» جانە «Sinopharm» ۆاكسيناسىن تاڭداي الادى.

ايتا كەتۋ كەرەك، اقسۋ جانە بالقاش اۋدانىنىڭ تۇرعىندارى كورونوۆيرۋستىق ينفەكسياعا قارسى %100 ەگىلدى. وڭىردە ۆاكسيناتسيا جۇمىستارى الگوريتمگە سايكەس جۇرگىزىلۋدە.

وبلىس بويىنشا 318 ەگۋ پۋنكتى اشىلدى، ونىڭ ىشىندە 76 جىلجىمالى، 71 موبيلدى بريگادا جانە 17 جىلجىمالى مەديتسينالىق كەشەن ۇيىمداستىرىلعان. وبلىس بويىنشا مەكتەپ قابىرعاسىندا 338 ەگۋ كابينەتى جۇمىس ىستەيدى.

اۆتور: سامال قابىشەۆا

Keywords: ايماق,
Up